აშშ-ს ხაზინა კრიპტომიქსერებს სანქციების სიაში შეიყვანს

აშშ-ს ხაზინა კრიპტომიქსერებს სანქციების სიაში შეიყვანს

აშშ-ს წარმომადგენელთა პალატამ დაამტკიცა კანონპროექტი, რომელიც სანქციების გვერდის ავლისთვის კრიპტო აქტივების გამოყენებას კრძალავს.

აშშ ფინანსთა სამინისტრო კრიპტოვალუტის მიქსერების შავ სიაში შეყვანის წინადადებით გამოვიდა.

კანონპროექტს მხარი 316-მა კანონმდებელმა დაუჭირა, წინააღმდეგი კი მხოლოდ 69 იყო.

კანონპროექტის მიხედვით, სახელმწიფო დეპარტამენტი ვალდებულია კონგრესს აცნობოს კრიპტოვალუტაში გაცემული ნებისმიერი ჯილდოს შესახებ იმ ინფორმაციისთვის, რომელიც  კრიმინალური ქმედებების ჩამდენი პირების დაპატიმრებას გამოიწვევს. 

კანონპროექტი სახელმწიფო დეპარტამენტისგან ასევე მოითხოვს  უკრაინის დასახმარებლად კრიპტოვალუტების ან ბლოკჩეინის ტექნოლოგიის გამოყენების შესახებ ანგარიშის წარდგენას.

გარდა ამისა, აუცილებელია ანგარიშის წარდგენა იმის შესახებაც, თუ როგორ შეიძლება ციფრულმა ვალუტამ რუსეთის წინააღმდეგ სანქციების ეფექტურობაზე მოახდინოს გავლენა.

სენატის საბანკო კომიტეტის მოსმენაზე,  ტერორიზმის დაფინანსების წინააღმდეგ ბრძოლის საკითხებში ხაზინის მდივნის თანაშემწე ელიზაბეტ როზენბერგი (Elizabeth Rosenberg) ყველა კრიპტოვალუტის მიქსერის შავ სიაში შეყვანის წინადადებით გამოვიდა,

რადგან ისინი შეიძლება არალეგალური ტრანზაქციებისთვის იქნას გამოყენებული.

ის დარწმუნებულია, რომ რუს ოლიგარქებს ციფრული აქტივების დახმარებით და ასეთი სერვისების გამოყენებით ეკონომიკური სანქციების თავიდან აცილება შეუძლიათ.

როზენბერგის თქმით, კრიპტოვალუტის მიქსერების დაბლოკვა მთავრობას  ფინანსურ დანაშაულთან და იმ უცხოურ ორგანიზაციებთან ბრძოლაში დაეხმარება, რომლებიც კრიპტოაქტივების უკანონო მიზნებისთვის გამოყენებას ცდილობენ.

„ანონიმურობის თანამედროვე ტექნოლოგიები, მათ შორის სერვისების მიქშირება, გამჭვირვალობის არარსებობის გამო უკანონო ფინანსურ ტრანზაქციებთან ბრძოლას ნამდვილად ართულებს. ნებისმიერი კრიმინალისთვის, რომელიც კრიპტოვალუტის მიქსერის ფულის გასათეთრებლად გამოყენებას ცდილობს სანქციები შეიძლება კარგი შემაკავებელი ფაქტორი იყოს. ეს არის ეფექტური გზა იმის საჩვენებლად, რომ ჩვენ შეგუებას არ ვაპირებთ. არ აქვს მნიშვნელობა რომელი ქვეყნიდანაა დამნაშავე: რუსეთიდან, ირანიდან თუ ჩრდილოეთ კორეიდან.“- განაცხადა როზენბერგმა.

აგვისტოში აშშ-ს ფინანსთა სამინისტრომ სანქციების სიაში Tornado Cash mixer უკვე შეიყვანა. იმ მიზეზით, რომ ადრე ამ სერვისს ჩრდილოეთ კორეის ჰაკერების ჯგუფი Lazarus Group იყენებდა. Tornado Cash-თან მიმართებით ფინანსთა სამინისტროს ქმედებებმა კრიპტო საზოგადოებაში აღშფოთება გამოიწვია.

აღშფოთებულთა შორის Cardano-ს დამფუძნებელი ჩარლზ ჰოსკინსონიც (Charles Hoskinson) იყო. მან უსამართლობა უწოდა იმ დეველოპერების დაკავებას, რომლებიც კოდს წერენ, ამ კოდის გამოყენება კი ბოროტმოქმედებს ყოველთვის შეუძლიათ.