აშშ-ში ინფლაციის ფონზე ბიტკოინი 5%-ით დაეცა

აშშ-ში ინფლაციის შესახებ ახალი მონაცემების გამოქვეყნების ფონზე ბიტკოინი ერთ საათში 5%-ით დაეცა.

აშშ-ის ხელისუფლებამ სამომხმარებლო ფასების ახალი ინდექსი გამოაქვეყნა. ინფლაცია მოსალოდნელზე მაღალი აღმოჩნდა, რამაც სარისკო აქტივების ბაზრების კოლაფსი გამოიწვია. ბიტკოინი 5.3%-ით დაეცა და მისი კურსი 21 380 დოლარს გაუთანაბრდა.

ანალიტიკოსები აგვისტოში აშშ-ში ინფლაციის შენელებას 0,1%-ით ელოდებოდნენ, ფასები კი პირიქით, 0,1%-ით გაიზარდა.

წლიურმა  ინფლაციმ 8.3% შეადგინა, რაც ივლისში დაფიქსირებულ ყველაზე მაღალ მაჩვენებელზე (8,5% ) ნაკლებია, მაგრამ  8,1%-იან პროგნოზს მნიშვნელოვნად აღემატება.

ეს მონაცემები იმაზე მეტყველებს, რომ აშშ-ს ფედერალური სარეზერვო სისტემის მიერ მონეტარული პოლიტიკის გამკაცრების ღონისძიებები  საკმარისად ეფექტური, არ აღმოჩნდა.

თავის მხრივ ინვესტორებმა, მათ შორის ინსტიტუციონალურმა ინვესტორებმაც,  დანაზოგის გადატანა სარისკო აქტივებიდან უფრო საიმედო ინსტრუმენტებზე – ფიატურ ფულზე, ძვირფას ლითონებსა და ობლიგაციებზე დაიწყეს.

კრიპტოვალუტა და საფონდო ბაზრები კი მნიშვნელოვანი წნეხის ქვეშ აღმოჩნდნენ.

ბიტკოინის მსგავსად  სხვა კრიპტოვალუტების ფასებიც დაეცა: ETH-ის კურსი 7.1%-ით და 1615 დოლარი შეადგინა, Binance Coin-ის 4.7%-ით.

ტოპ მონეტებს შორის ვარდნის მხრივ ლიდერი SOL აღმოჩნდა – კრიპტოვალუტა ერთ საათში 7,75%-ით დაეცა და მისმა კურსმა 35.5 დოლარი შეადგინა.

აგვისტოს ბოლოს JPMorgan-ის სტრატეგმა დევიდ კელიმ (David Kelly) განაცხადა, რომ სანამ აშშ-ს ფედერალური სარეზერვო სისტემა  ეკონომიკური კრიზისიდან გამოსვლის გეგმას არ შეიმუშავებს, ინვესტორებმა კრიპტოვალუტებში ინვესტირებისგან თავი უნდა შეიკავონ.