MicroStrategy-მ კრიპტოაქტივების აღრიცხვის ახალ წესებს მხარი დაუჭირა
MicroStrategy-ს განცხადებით, ამერიკის ფინანსური აღრიცხვის საბჭოს (FASB) წინადადება კრიპტოვალუტის ფირმებს მათ ბალანსზე არსებული კრიპტო აქტივების სამართლიანი აღრიცხვის შესაძლებლობას მისცემს.
MicroStrategy-ს წარმომადგენლებს მიაჩნიათ, რომ აშშ-ში არსებული აღრიცხვის პრინციპების (GAAP) თანახმად, განუსაზღვრელი ვადით მოხმარების არამატერიალური აქტივების საბალანსო ღირებულების აღრიცხვისას კომპანიამ საწყისი შესყიდვის ფასი უნდა გამოიყენოს, შემდეგ კი გაუფასურება ასახოს. MicroStrategy-ის შემთხვევაში, ეს ნიშნავს, რომ კომპანიის ბალანსზე არსებული აქტივები მხოლოდ 2 მილიარდ დოლარად არის შეფასებული, რაც სამართლიანი საბაზრო ღირებულების ნახევარია.
„სამართლიანი ღირებულება ინვესტორებისთვის აღრიცხვის უფრო სასარგებლო და დაბალანსებული მოდელია, ვიდრე არსებული მოდელი, რომელიც მხოლოდ სამართლიანი ღირებულების შემცირებას აღიარებს და არა შემდგომ ზრდას. ამჟამინდელი მოდელი კრიპტოაქტივების ბალანსის დამახინჯებულ სურათს ასახავს და შესაძლოა შეცდომაში შეიყვანოს ინვესტორები, რომლებიც ბუღალტრული აღრიცხვის სტანდარტებს არ იცნობენ.“- აცხადებენ MicroStrategy-ში.
ფინანსური აღრიცხვის სტანდარტების საბჭო კრიპტო კომპანიებისთვის აშშ-ს აღრიცხვის სტანდარტების განახლების შესახებ წინადადებებს 6 ივნისამდე იღებს. MicroStrategy-მ ცვლილებებით დაინტერესებულ ყველა კომპანიას FASB ინიციატივის მხარდაჭერისკენ მოუწოდა.
„კრიპტო აქტივების საბალანსო ღირებულების სამართლიანი ღირებულებით აღრიცხვა ინვესტორებს შესაძლებლობას მისცემს ინვესტიციების დაბრუნების რისკები ადეკვატურად შეაფასონ, რაც ეკონომიკურ რეალობაზე დაფუძნებულ საინვესტიციო გადაწყვეტილებებს განაპირობებს“- წერს MicroStrategy წინადადებაზე.
მანამდე MicroStrategy-ის თანადამფუძნებელმა მაიკლ სეილორმა (Michael Saylor) თქვა, რომ კომპანია ინოვაციების დასანერგად პროექტ Bitcoin Ordinals-ის შესაძლებლობებს იკვლევს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)