აშშ-ს ხელისუფლება Binance-ის ჰეჯ-ფონდებთან კავშირს იკვლევს
გამოცემა Washington Post-ის ცნობით, ამერიკელი პროკურორები ადგილობრივ საინვესტიციო კომპანიებთან მსოფლიოს უდიდესი კრიპტოვალუტის ბირჟასთან ურთიერთობის შესახებ გამოკითხვას აწარმოებენ.
თავად გამოცემა ხაზგასმით აღნიშნავს, რომ ასეთი ტიპის გამოკითხვა სტანდარტულია და არც გამოძიებას და არც პლატფორმის მიმართ რაიმე სახის ბრალდებას არ უკავშირდება. რომ კრიპტოვალუტის ბირჟა FTX-ის კრახის შემდეგ, ამერიკის ხელისუფლებამ მზადყოფნა გამოთქვა ნებისმიერი კრიპტო პლატფორმის საქმიანობას უფრო ახლოს გაეცნოს. Washington Post-ი ორ წყაროზე დაყრდნობით იმასაც იტყობინება, რომ გამოკითხვას დასავლეთის ოლქის პროკურატურა უკვე რამდენიმე თვეა აწარმოებს.
ასეთი გამოკითხვა შესაძლოა აშშ-ს იუსტიციის დეპარტამენტის გამოძიების ნაწილს წარმოადგენდეს, რომელიც Binance-ის მიმართ ჯერ კიდევ 2018 წელს არსებულ ფულის გათეთრების ფაქტებს უკავშირდება.
თავად უწყებას პლატფორმისთვის ბრალის წარდგენის საკითხი არ გაუჟღერებია.
Binance-ის წარმომადგენლის, პატრიკ ჰილმანის (Patrick Hillmann) თქმით, ბირჟა ყოველდღიურად მსოფლიოს პრაქტიკულად ყველა მარეგულირებელთან თანამშრომლობს.
თუმცა იმასაც აღიარებს, რომ რამდენიმე წლის წინ მათი დამოკიდებულება განსხვავებული იყო.
„ბოლო ორი წლის განმავლობაში კომპანიამ პოზიცია მთლიანად შეცვალა. ახლა ჩვენ საჭირო რესურსები გვაქვს და დანაშაულებრივი გზით მოპოვებული თანხების იდენტიფიცირების, გაყინვისა და დაბრუნების საქმეში ერთ-ერთი ყველაზე აქტიური კომპანია შეიძლება გვეწოდოს.“- განაცხადა ჰილმანმა.
ცოტა ხნის წინ ცნობილი გახდა, რომ Binance ერთ-ერთი პირველი კრიპტო კომპანიაა, რომელიც სანქციების სერტიფიცირებული პროფესიონალების ასოციაციას (ACSS) შეუერთდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)