ახალი გრიპის ვირუსი აღმოაჩინეს ჩინეთში

ჩინეთში მეცნიერებმა აღმოაჩინეს გრიპის ახალი ტიპის ვირუსი, რომელმაც შესაძლოა, პოტენციურად პანდემია გამოიწვიოს.

მეცნიერების ინფორმაციით, ახალი ვირუსის მატარებელნი ღორები არიან, თუმცა ვირუსს შეუძლია ადამიანის დაინფიცირებაც.

მკვლევარები შიშობენ, რომ ვირუსმა შესაძლოა, შემდგომში მუტაცია განიცადოს და ადვილად გავრცელდეს ადამიანებში, რასაც მორიგი პანდემია მოჰყვება.

ამჟამად მდგომარეობა განგაშის საფუძველს არ იძლევა,მაგრამ მკვლევართა თქმით, ამ ვირუსს აქვს “ყველა ნიშანი” რომ გავრცელდეს და და საყურადღებოა.

რადგან ვირუსი ახალია, ადამიანების უმეტესობას შეიძლება არ ჰქონდეს მასზე იმუნიტეტი.
მეცნიერები მეცნიერებათა ეროვნული აკადემიის ჟურნალ “Proceedings” – ში წერენ, რომ ღორებში ვირუსის წინააღმდეგ ბრძოლის ზომები და მეღორეობის დარგის მუშაკების მიმართ მონიტორინგი უნდა განხორციელდეს რაც შეიძლება მალე.

პანდემიის საფრთხე
გრიპის ახალი ვირუსი არის დაავადების ერთ-ერთი მთავარი საფრთხე, რომელსაც ექსპერტები აკვირდებიან, მაშინაც კი, როდესაც სამყარო ცდილობს ბოლო მოუღოს ამჟამინდელ კორონავირუსის პანდემიას.

მსოფლიოში ბოლო პანდემიური გრიპი – 2009 წელს ღორის გრიპის დაავადება, ნაკლებად სასიკვდილო იყო, მეტწილად იმიტომ, რომ ბევრ ასაკოვან ადამიანს ჰქონდა გარკვეული იმუნიტეტი მის მიმართ, ალბათ გრიპის სხვა ვირუსებთან მსგავსების გამო, რომლებიც წლების წინ ვრცელდებოდა.

კორონავირუსი: ეს არ არის ბოლო პანდემია

არის თუ არა დიდ ბრიტანეთში კორონავირუსი კონტროლის ქვეშ?

ყველაზე უარესი ის არის, რომ კოროვირუსული პანდემია შეიძლება “ჯერ კიდევ წინ” იყოს
ეს ვირუსი, სახელწოდებით A / H1N1pdm09, ახლა ყოველწლიურად გრიპის საწინააღმდეგო ვაქცინას საჭიროებს იმისთვის, რომ ადამიანი დაცული იყოს.

გრიპის ახალი ვირუსი, რომელიც გამოვლინდა ჩინეთში, მსგავსია 2009 წელს ღორის გრიპის, მაგრამ გარკვეული ახალი ცვლილებებით.

ჯერჯერობით, ის არ წარმოადგენს დიდ საფრთხეს, მაგრამ პროფესორი კინ-ჩოუ ჩანგი და კოლეგები, რომლებიც ვირუსს სწავლობდნენ, აცხადებენ, რომ მისი იგნორირებაც არ შეიძლება.

რამდენად უნდა ვინერვიულოთ?

ვირუსი, რომელსაც მკვლევარები უწოდებენ G4 EA H1N1-ს აზიანებს სასუნთქ გზებს.
მეცნიერებმა აღმოაჩინეს ეს ინფექცია იმ ადამიანებს შორის, რომლებიც მუშაობდნენ ჩინეთში ღორების სასაკლაოებსა და ღორის ხორცის ქარხნებში.

ჯერჯერობით გრიპის უკვე არსებული ვაქცინები არ იცავს ადამიანს ამ ვირუსისგან, თუმცა საჭიროების შემთხვევაში, მათი ადაპტირება შესაძლებელია.

პროფესორმა კინ-ჩო ჩანგმა, რომელიც მუშაობს ბრიტანეთში ნოტინგამის უნივერსიტეტში, BBC- ს განუცხადა: ”ახლა ჩვენი ყურადღება გადატანილია კორნავივირუსზე და ეგრეც უნდა იყოს. მაგრამ ჩვენ მხედველობიდან არ უნდა გამოგვრჩეს პოტენციურად საშიში ახალი ვირუსები. ”

მართალია, ეს ახალი ვირუსი არაპირდაპირი პრობლემაა, ის ამბობს: ,,მაგრამ მისი იგნორირებაც არ შეიძლება’’.

თეორიულად, გრიპის პანდემია შეიძლება მოხდეს ნებისმიერ დროს, მაგრამ ის მაინც იშვიათი მოვლენაა. პანდემიები ხდება, თუ წარმოიქმნება ახალი ვირუსი, რომელიც ადვილად შეიძლება გავრცელდეს ადამიანიდან ადამიანზე.

მიუხედავად იმისა, რომ გრიპის ვირუსები მუდმივად იცვლება – რის გამოც გრიპის ვაქცინა ასევე რეგულარულად უნდა შეიცვალოს – ისინი ჩვეულებრივ არ იწვევენ პანდემიას.

პროფესორი ჯეიმს ვუდი, კემბრიჯის უნივერსიტეტის ვეტერინარული მედიცინის დეპარტამენტის ხელმძღვანელი, ამბობს, რომ ეს არის “სასარგებლო შეხსენება”, იმისა რომ ჩვენ მუდმივად მეურნეობებში ახალი პათოგენებისა წარმოქმნის რისკის ქვეშ ვართ, რომლებსაც ადამიანებთან უფრო მეტი კონტაქტი აქვთ, ვიდრე ველურ ბუნებასთან, რაც შეიძლება გახდეს მნიშვნელოვანი პანდემიური ვირუსების წყარო.

ჯანდაცვის მსოფლიო ორგანიზაციის წარმომადგენელმა განაცხადა: ”ევრაზიის ღორის გრიპის ვირუსი, ფრინველის გრიპის მსგავსად, აზიაში ღორებში ცირკულირებს და შეუძლია დროდადრო აინფიციროს ადამიანები. წელიწადში ორჯერ, გრიპის საწინააღმდეგო ვაქცინების შემადგენლობის შესახებ შეხვედრებზე, ვირუსების შესახებ ყველა ინფორმაცია განიხილება და მიმოიხილება ახალი ვირუსების ვაქცინის საჭიროების შესახებ.

”ის ასევე ხაზს უსვამს იმას, რომ ჩვენ ვერ მოვდუნდებით გრიპის მიმართ; ჩვენ უნდა ვიყოთ ფხიზელნი და გავაგრძელოთ დაკვირვება COVID-19 პანდემიის დროსაც კი. ”