ახალი რეგულაციები ციფრული იუანის მიღებას დააჩქარებს
2022 წლის მარტიდან ჩინეთის ყველა სავაჭრო ობიექტს ბიზნესისთვის შტრიხკოდების გამოყენება მოეთხოვება, რაც e-CNY ტრანზაქციების განვითარებას შეუწყობს ხელს.
ჩინეთის სახალხო ბანკის (PBOC) ახალი წესები მობილური გადახდებისთვის შტრიხკოდების გამოყენებას ითვალისწინებს და უკანონო აზარტული თამაშებისთვის განკუთვნილ შტრიხკოდებთან ბრძოლას ისახავს მიზნად.
ფასიანი ქაღალდების ჩინური კომპანიის Everbright Huaan Securities-ის ანალიტიკოსის განცხადებით, ახალ წესებს გადახდის უსაფრთხოების გაუმჯობესება და გადასახადებისგან თავის არიდების შეზღუდვა შეუძლიათ.
ექსპერტის აზრით, გრძელვადიან პერსპექტივაში ახალი წესები ციფრულ იუანს პოპულარიზაციაში დაეხმარება.
„ამ გზით, ქვეყნის საბანკო სისტემას გადახდების სფეროში დომინანტი პოზიციის დაბრუნება შეუძლია, რადგან e-CNY ქვეყნის მასშტაბით გავრცელებას აგრძელებს.“
კიბერუსაფრთხოების კომპანია BitMint-ის აღმასრულებელი დირექტორის ამნონ სამიდის (Amnon Samid) აზრით, e-CNY ტრანზაქციების ტელეფონიდან ტელეფონზე ან ციფრული საფულედან ცივ საფულეზე განხორციელების შესაძლებლობას შეუძლია ხელი შეუწყოს ციფრული იუანის დანერგვას.
„ჩვენ უნდა გვესმოდეს ციფრულ ვალუტასა და მობილურ გადახდებს შორის მთავარი განსხვავება. ციფრული იუანი არის ფული, ხოლო მობილური გადახდები არის მისი გავრცელების საშუალება.“
ჩინეთის ინდუსტრიული და კომერციული ბანკის უფროსი ფინანსური მენეჯერის, მატეო ჯოვანინის (Matteo Giovannini) განცხადებით,
ჩინეთის ხელისუფლება მოწოდებულია შექმნას უფრო უსაფრთხო გადახდის ეკოსისტემა, რომელიც ხელს შეუშლის ნებისმიერი სახის დანაშაულს,
როგორიცაა აზარტული თამაშები, გადასახადებისთვის თავის არიდება და ფულის გათეთრება. მისი აზრით, ეს პროცესი რისკების მართვისა და გამჭვირვალობის შედეგად,
ჩინეთის სახელმწიფო ციფრული ვალუტის წინსვლისა და ფართოდ გავრცელების დაჩქარებას იდეალურ საფუძველს ჩაუყრის.
ამგვარად, ციფრული იუანის დანერგვისთვის ხელსაყრელი პირობების შესაქმნელად, ჩინეთი ვირტუალურ სივრცეს ციფრული დანაშაულისგან ასუფთავებს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)