ბირჟამ Coinbase 2.6 მილიარდის ზარალი განიცადა
ამერიკულმა კრიპტოვალუტის სავაჭრო პლატფორმამ Coinbase ბოლო კვარტალში 557 მილიონი დოლარის წმინდა ზარალი განიცადა, ხოლო მთელი წლის განმავლობაში მიღებულმა ზარალმა 2.625 მილიარდი დოლარი შეადგინა. ამის შესახებ კომპანიის ფინანსურ ანგარიშგებაშია ნათქვამი.
2022 წელს კრიპტო ბირჟის შემოსავალი ოთხჯერ შემცირდა. 2022 წლის ბოლო სამ თვეში Coinbase-მა 605 მილიონი დოლარი გამოიმუშავა, 2021 წლის იმავე პერიოდში კი 2.49 მილიარდი დოლარი.
ანგარიშის მიხედვით, კომპანიის წლიური შემოსავალი 57%-ით შემცირდა. კრიპტო ბირჟის შემოსავალმა გასულ წელს 2021 წლის 7,3 მილიარდ დოლართან შედარებით მხოლოდ 3,1 მილიარდი დოლარი შეადგინა.
„იმის გამო, რომ მთელი წლის განმავლობაში მაკროეკონომიკური მაჩვენებლები, როგორიცაა ინფლაცია მაღალი იყო, ხოლო საპროცენტო განაკვეთები იზრდებოდა, კრიპტოვალუტის ბაზრის კაპიტალიზაცია შემცირდა.“- განმარტავენ კომპანიის წარმომადგენლები ფინანსურ ანგარიშში.
კრიპტო ბაზრის კრიზისის ერთ-ერთი ფაქტორი ტოკენ LUNA-ს კოლაფსი იყო, რომლის დროსაც კრიპტოვალუტის საბაზრო კაპიტალიზაცია დაახლოებით 60%-ით შემცირდა. მეორე ფაქტორი კი კრიპტოვალუტის ბირჟა FTX-ის გაკოტრება გახდა.
თებერვალში, Coinbase-ის ხელმძღვანელმა ბრაიან არმსტრონგმა (Brian Armstrong) განაცხადა,
რომ შეერთებული შტატების მარეგულირებლებმა შესაძლოა საცალო მომხმარებლებისთვის კრიპტოვალუტის სტეიკინგი აკრძალონ, რასაც მთელი ინდუსტრიისთვის უარყოფითი შედეგი ექნება.
იანვარში Coinbase-მა როგორც ტრადიციულ, ისე კრიპტოვალუტის ბაზარზე შექმნილი არასახარბიელო სიტუაციის მიზეზით პერსონალის შემცირების ახალი ტალღის შესახებ გამოაცხადა.
გასული წლის ივნისიდან Coinbase -ის გათავისუფლებული თანამშრომლების საერთო რაოდენობამ 2000-ს მიაღწია.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)