ბიტკოინში ინვესტიციიდან Tesla-ს ზარალი 140 მილიონი დოლარია
აშშ-ის ფასიანი ქაღალდებისა და ბირჟების კომისიისადმი (SEC) წარდგენილ ანგარიშში, საავტომობილო გიგანტ Tesla-ს წარმომადგენლებმა განაცხადეს, რომ გასული წლის განმავლობაში კომპანიამ ბიტკოინში ინვესტიციების გამო 204 მილიონი დოლარი დაკარგა.
თუმცა, კომპანიამ პირველი კრიპტოვალუტის აქციების ნაწილის გაყიდვის შედეგად 64 მილიონის მოგება ნახა და ამ მიზეზით დაუფიქსირებელმა ზარალმა 140 მილიონი დოლარი შეადგინა.
Tesla-მ ბიტკოინში 1,5 მილიარდი დოლარის ინვესტიცია 2021 წლის თებერვალში განახორციელა.
მაშინ BTC-ის კურსი 46,000 დოლარს შეადგენდა, ხოლო 2021 წლის ნოემბრისთვის ბიტკოინის კურსმა რეკორდულ 69,000 დოლარს მიაღწია.
თუმცა, ცოტა ხნის შემდეგ კრიპტოვალუტის ბაზარმა დაცემა დაიწყო და ახლა ბიტკოინებში Tesla-ს პოზიცია წამგებიანია.
გასული წლის ივლისში კომპანიამ თავისი ბიტკოინების 75% გაყიდა და 2022 წლის ოქტომბრისთვის ის 218 მილიონი დოლარის BTC-ს ფლობდა.
„როგორც ნებისმიერი სხვა ინვესტიციის შემთხვევაში, ბიზნესის საჭიროებებიდან და ბაზრისა და გარემო პირობების შესახებ ჩვენი შეხედულებებიდან გამომდინარე, ჩვენ ციფრული აქტივების მარაგი ნებისმიერ დროს შეგვიძლია გავზარდოთ ან შევამციროთ.“ – განმარტავენ Tesla-ს ანგარიშის ავტორები.
დოკუმენტში მხოლოდ ბიტკოინში ინვესტირებაზეა საუბარი. ამასთან, თავად Tesla-ში ანგარიშსწორება Dogecoin-ით არის შესაძლებელი.
შეგახსენებთ, რომ Tesla-ს აღმასრულებელმა დირექტორმა ილონ მასკმა 2022 წლის ოქტომბრის ბოლოს 44 მილიარდ დოლარად სოციალური ქსელი Twitter იყიდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)