ბიტკოინის ქსელის ენერგომოხმარება წელიწადში 41%-ით გაიზარდა

 ბიტკოინის ქსელის ენერგომოხმარება წელიწადში 41%-ით გაიზარდა

Bitcoin Mining Council-ის მონაცემებით, გასული წლის განმავლობაში, ბიტკოინის ქსელის ჰეშრეითი 73%-ით, ხოლო  პირველი კრიპტოვალუტის მაინინგისთვის ენერგიის მოხმარება 41%-ით გაიზარდა.

ამ დროისთვის, მსოფლიოში მთლიანი ენერგიის წარმოების 0,16% ბიტკოინის მაინინგზე იხარჯება .

ეს მაჩვენებელი მთელი მსოფლიოს გეიმერების მიერ თამაშებზე მოხმარებული ენერგიის რაოდენობაზე ოდნავ ნაკლებია. გარდა ამისა, პირველი კრიპტოვალუტის მოპოვება CO2-ის გლობალური ემისიების 0.1%-ს იწვევს.

ორგანიზაცია Bitcoin Mining Council (BMC)  აერთიენებს კომპანიებს, რომლებიც ბიტკოინის მთლიანი ჰეშრეიტის 45.4%-ს ქმნიან.

ისინი აცხადებენ, რომ მაინინგისთვის გამოყენებული ენერგიის 67.8% განახლებადი წყაროებიდან მოდის. 

მთლიანი ინდუსტრიისთვის კი ეს მაჩვენებელი ბევრად ნაკლებია – მაინინგისთვის გამოყენებული „მწვანე“ ენერგიის წილი წელს 59,4%-ს შეადგენს რაც წინა წლის 56,5%- თან შედარებით უკეთესი მაჩვენებელია.

„პირველი კრიპტოვალუტის ქსელი 73%-ით უფრო უსაფრთხო გახდა. ამასთან, ენერგიის მოხმარება მხოლოდ 41%-ით გაიზარდა. მაინინგის  ეფექტურობა 23%-ით გაიზარდა . ბიტკოინი მოიხმარს მთლიანი ენერგიის 99%-ს, და 100-ჯერ მეტ უსაფრთხოებას უზრუნველყოფს , ვიდრე ერთად აღებული ყველა სხვა კრიპტოვალუტა . ბიტკოინის ქსელი ასეთი ძლიერი არასოდეს ყოფილა.“ – წერს MicroStrategy-ის ყოფილი აღმასრულებელი დირექტორი მაიკლ სეილორი (Michael Saylor).