ბიტკოინის ენერგომოხმარების ხარჯები მეოთხედით შემცირდა

ბიტკოინის ენერგომოხმარების ხარჯები მეოთხედით შემცირდა

ბიტკოინის მაინინგის საბჭოს (BMC) განცხადებით,  პირველი კრიპტოვალუტის მაინინგის ენერგოეფექტურობა გასულ კვარტალში საგრძნობლად გაიზარდა.

მაინინგ კომპანიების ჯგუფმა შეადგინა ანგარიში, სადაც ნათქვამია, რომ იანვარ-მარტში ბიტკოინის მაინინგისთვის ელექტროენერგიის მოხმარება 2021 წლის ანალოგიურ პერიოდთან შედარებით 25%-ით შემცირდა.

საბჭოს წევრის, MicroStrategy-ს აღმასრულებელი დირექტორის, მაიკლ სეილორის (Michael Saylor) თქმით: ბიტკოინის მაინინგის ჰეშრეითი წელიწადში 23%-ით გაიზარდა, ენერგიის მოხმარება კი მაინინგის ენერგოეფექტურობის 63%-იანი ზრდის გამო 25%-ით დაეცა .

ბიზნესმენმა აღნიშნა, რომ ბიტკოინი „ გლობალური ენერგიის უმნიშვნელო რაოდენობას (16 ბიტი წამში) იყენებს და  ნახშირბადის უმნიშვნელო ემისიას (8 ბიტი წამში) წარმოქმნის .

სეილორმა დაამატა, რომ პირველი კრიპტოვალუტის ბლოკჩეინი „მდგრადი განვითარების ინდუსტრიის ლიდერია.“

„ყოველწლიურად ნახევარგამტარული ტექნოლოგიების მიღწევების, ჩრდილოეთ ამერიკაში მაინინგის სწრაფი განვითარების, ჩინეთიდან გასვლისა და მდგრადი ენერგიისა და ბიტკოინის მოპოვების თანამედროვე მეთოდების ფართოდ გავრცელების წყალობით, ჩვენ ეფექტურობის 63%-იანი ზრდის მოწმე გავხდით.“ – განაცხადა MicroStrategy-ს ხელმძღვანელმა.

BMC არის მაინინგ კომპანიების ჯგუფი, რომელიც ბიტკოინის მომპოვებელ 44 კომპანიას აერთიანებს. 

კომპანიები ბიტკოინის გლობალური ქსელის ჰეშრეითის დაახლოებით 50%-ს შეადგენენ, ანუ 100.0 ეგზაჰაშს (EX/c). BMC- ის ანგარიშის შედეგად, საბჭოში შემავალი კომპანიებისგან ელექტროენერგიის მოხმარებაზე, მისი წყაროებისა და ჰეშრეითის შესახებ მონაცემების შეგროვება მოხდა.

მოხსენება  მას შემდეგ გამოქვეყნდა, რაც აშშ-ს კონგრესმენთა ჯგუფმა  აშშ-ს გარემოს დაცვის სააგენტოს (EPA) იმის შეფასება სთხოვა, შეესაბამება თუ არა მაინინგ კომპანიების საქმიანობა გარემოსდაცვით კანონმდებლობას.