ბიტკოინის ზრდა ანტიუტოპიამდე მიგვიყვანს

ეკონომისტის, ჯონ დანიელსონის აზრით, ბიტკოინის ზრდა საზოგადოებაში სერიოზულ უთანასწორობას გამოიწვევს და ანტიუტოპიური მომავლის წინაშე დააყენებს.

ლონდონის ერთ-ერთი წამყავანი უნივერსიტეტის ეკონომისტმა განაცხადა, რომ თუ ბიტკოინი და სხვა კრიპტოვალუტები ზრდას განაგრძობენ, გაიზრდება საზოგადოების უთანასწორობაც. ეკონომიკური და პოლიტიკური კვლევების ცენტრ VoxEU-ს პორტალზე, გამოქვეყნდა სტატია სახელწოდებით „რა მოხდება თუ ბიტკოინი წარმატებას მიაღწევს?“, რომელიც ლონდონის ეკონომიკის სკოლის სისტემური რისკების დირექტორს, ჯონ დანიელსონს (Jon Danielsson) ეკუთვნის.

დენიელსონის აზრით ადამიანების უმრავლესობას არ სურ იცხოვროს საზოგადოებაში, სადაც კრიპტოვალუტა წარმატებულია, რადგან ბიტკოინის მსხვილი მფლობელები – ე.წ „ვეშაპები“ მსოფლიოში ყველაზე მდიდარ ადამიანებად იქცევიან და „არაფრით ჩამოუვარდებიან მეფეებსა და იმპერატორებს, რომლებიც წინა საუკუნეებში იმპერიებს მართავდნენ.“ ეკონომისტის აზრით, ეს გამოიწვევს უფრო მეტ უთანასწორობას და პოპულიზმს. დანიელსონი წერს:

„რა მოხდება მაშინ, როდესაც ბიტკოინის მსხვილი მფლობელები დაიწყებენ საკუთარი ტრილიონების ხარჯვას? ცნობილია, რომ უკიდურესი უთანასწორობა საზოგადოების განხეთქილებას და პოპულიზმს ასაზრდოვებს. ბიტკოინის „ვეშაპები“ მზარდი საფრთხის პირისპირ აღმოჩნდებიან და მთავრობას მოუწევს რეაგირება. ის თავდაცვას ან თავდასხმას აირჩევს: ნეიტრალური ვერ იქნება. ყველა შემთხვევაში პოლიტიკური და სოციალური დესტაბილიზაცია გაღრმავდება.“

დენიელსონი დარწმუნებულია, რომ თუ ბიტკოინის ფასი განაგრძობს ზრდას და კრიპტოვალუტა ფიატურ ფულს ჩაანაცვლებს, საზოგადოება შეიცვლება. ფიატური ფულის მფლობელები დაზარალდებიან, კრიპტოვალუტის ინვესტორები კი დაწინაურდებიან. 

სტატიის ბოლოს დანიელსონი იმედოვნებს, რომ კრიპტოვალუტები დავიწყებას მანამდე მიეცემიან, სანამ სერიოზულ ძალად იქცევიან. 

შეგახსენებთ, რომ თებერვალში Glassnode-ს მიერ გამოქვეყნებული კვლევის თანახმად, ბიტკოინი შედარებით თანაბრად არის გადანაწილებული „ვეშაპებსა“ და საცალო ინვესტორებს შორის.

წყარო: https://bits.media