ბიტკოინის თეთრი წიგნი Bitcoin.org-ზე კვლავ გამოქვეყნდა
ბიტკოინის თეთრი წიგნი Bitcoin.org-ზე ხელახლა მას შემდეგ აიტვირთა, რაც კრეიგ რაიტმა სასამართლოში ვერ დაამტკიცა, რომ ის სატოში ნაკამოტოს ფსევდონიმით ცნობილი პირველი კრიპტოვალუტის შემქმნელი იყო.
Bitcoin.org-ის ადმინისტრაციამ მომხმარებლებს შეატყობინა, რომ სასამართლოში გამარჯვების შემდეგ, ტექნიკური დოკუმენტი „Bitcoin: Peer-to-Peer Electronic Cash System“ დომენ Bitcoin Core-ის რესურსებზე კვლავ განთავსდა.
2021 წელს საავტორო უფლებების დარღვევის შესახებ სასამართლო გადაწყვეტილების გამო ვებსაიტი Bitcoin.org იძულებული გახდა ბიტკოინის ტექნიკური აღწერილობის შემცველი PDF ფაილი წვდომიდან ამოეღო. გადაწყვეტილება მას შემდეგ იქნა მიღებული, რაც თვითგამოცხადებულმა სატოში ნაკამოტომ – კრეიგ რაიტმა (Craig Wright) კრიპტო კომპანიების ანონიმური ჯგუფის Crypto Open Patent Alliance (COPA) წინააღმდეგ, რომლებმაც ის ტყუილში დაადანაშაულეს, სასამართლო პროცესი მოიგო.
მიმდინარე წლის მარტში, ინგლისისა და უელსის ბიზნესისა და საკუთრების უმაღლესმა სასამართლომ კრეიგ რაიტის წინააღმდეგ COPA-ს სარჩელთან დაკავშირებით უარყოფითი გადაწყვეტილება მიიღო და ბიზნესმენს ბიტკოინის შემქმნელის სახელით თავის წარდგენაზე უარი ეთქვა.
„სასამართლოს დადგენილებით, კრეიგ რაიტს, რომელიც თავის სატოში ნაკამოტოდ აღიარებას ითხოვს, პირველი კრიპტოვალუტის თეთრ ფურცელზე საავტორო უფლებები არ გააჩნია. ასევე, სასამართლო სისტემის შემდგომი ბოროტად გამოყენების თავიდან აცილების მიზნით, კრეიგ რაიტს ეკრძალება იმავე საკითხზე სარჩელის აღძვრა“, – ნათქვამია სასამართლოს გადაწყვეტილებაში.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)