ბიტკოინის კურსის ვარდნის ფონზე მისი შესყიდვები გაიზარდა

ბიტკოინის კურსის ვარდნის ფონზე მისი შესყიდვები გაიზარდა

პლატფორმა Glassnode -ის ანალიტიკოსების ცნობით, მარტის დასაწყისიდან 60 ახალი საფულე გამოჩნდა და თითოეული მათგანი 1000-ზე მეტ ბიტკოინს შეიცავს. ეს მსხვილი ინვესტორების, ე.წ „ვეშაპების“, მზარდ აქტივობაზე მიუთითებს. ასეთი მისამართების რაოდენობამ ოთხთვიან მაქსიმუმს მიაღწია და 2,107 ერთეული შეადგინა.

Glassnode-ის მონაცემებით, უმნიშვნელოდ გაიზარდა იმ მისამართების რაოდენობა, რომლებიც მინიმუმ 100 ბიტკოინს ფლობდნენ. 20 აპრილისთვის მათმა რაოდენობამ 18,026-ს მიაღწია. ამავდროულად, იანვრის დასაწყისიდან მცირდება ბიტკოინის იმ მფლობელების რაოდენობა, რომლებსაც 10 ან ნაკლები მონეტა აქვთ.

Glassnode-ის ექსპერტების განმარტეით, ბიტკოინის „ვეშაპები“, რომლებიც 10 000-ზე მეტ მონეტას ფლობენ, პირველი კრიპტოვალუტის დაგროვებას აქტიურად აგრძელებენ და ფასის ვარდნისას ყიდულობენ. მათ იციან, რაც მოხდება შემდეგ ბაზარზე, აცხადებენ ანალიტიკოსები.

ბიტკოინის კურსის ვარდნის პერიოდში „ვეშაპების“ რაოდენობის ზრდა პროფესიონალი ინვესტორების მხრიდან პირველი კრიპტოვალუტის მიმართ არსებული ნდობის მაღალ დონეზე მიუთითებს.

მანამდე გამომცმლიბა The Block-ის ექსპერტებმა განაცხადეს, რომ Google-ის საძიებო სისტემაში „ბიტკოინის“ მოთხოვნების რაოდენობამ მარტში 34 პუნქტს მიაღწია, რაც წლის დასაწყისიდან ყველაზე მაღალი მაჩვენებელია.