ბიტკოინის ლეგალიზაციამ სალვადორი კრიზისიდან გამოიყვანა

ბიტკოინის ლეგალიზაციამ სალვადორი კრიზისიდან გამოიყვანა

სალვადორის ვიცე-პრეზიდენტის ფელიქს ულოას განცხადებით, ბიტკოინის გადახდის საშუალებად მიღებამ პანდემიის შემდეგ ქვეყნის ფინანსური და ეკონომიკური სექტორების აღორძინებას შეუწყო ხელი.

ფელიქს ულოას (Felix Ulloa) თქმით, ბიტკოინის ლეგალიზებამ COVID-19-ის პანდემიის დროს და მის შემდეგ სალვადორის სახელმწიფოს ეკონომიკა მყისიერად აღადგინა. მას შემდეგ, რაც გადახდის კანონიერ საშუალებად გამოცხადაა, ბიტკოინი ქვეყანაში შემოსულ ტურისტებს შესაძლებლობას აძლევს საქონლისა და მომსახურების საფასური ვალუტის გაცვლაზე ფიქრის გარეშე გადაიხადონ. უფრო მეტიც, ბიტკოინი სალვადორში არა მხოლოდ ტურისტებს , არამედ კრიპტოვალუტის ინვესტორებსაც იზიდავს, აღნიშნა ულოამ.

სალვადორმა პრეზიდენტ ნაიბ ბუკელეს (Nayib Bukele) ხელმძღვანელობით, ბიტკოინი გადახდის საშუალებად 2021 წლის სექტემბერში დააკანონა. ეს ქმედება საერთაშორისო სავალუტო ფონდმა (IMF) გააკრიტიკა და სალვადორს მოუწოდა ბიტკოინის შემოღებაზე უარი ეთქვა. თუმცა, ბუკელემ გადაწყვიტა კრიპტოვალუტასთან ექსპერიმენტები გაეგრძელებინა და ამან ქვეყანაზე დადებითად იმოქმედა, ხაზგასმით აღნიშნა ულოამ.

„ეჭვგარეშეა რომ ტურიზმი და კრიპტოვალუტების გამოყენება მომავლის აშენებასა და ჩვენი ქვეყნის აღორძინებას უწყობენ ხელს. ჩვენ მოვიზიდეთ ბევრი ინვესტორი, რომლებიც სალვადორში ფაქტობრივად დაფუძდნენ .“ – თქვა ულოამ.

გასულ წელს ბუკელემ განაცხადა, რომ ბიტკოინის ლეგალიზაციის წყალობით ქვეყანაში გაიზარდა საწარმოთა რაოდენობა, დასაქმება, ენერგიის წარმოება და ექსპორტი, თანაც ისე, რომ გადასახადები არ გაზრდილა. ამ მიზეზით, მარტში ბუკელემ უცხოელ მოქალაქეებს სალვადორში გადმოსვლისკენ მოუწოდა. იმისთვის, რომ სალვადორი კრიპტოვალუტის გლობალური ცენტრი გახდეს, პრეზიდენტი ტექ. კომპანიებს გადასახადების გაუქმებას შეპირდა.