ბიტკოინის მაინერების შემოსავლები კლებას განაგრძობს

ბიტკოინის მაინერების შემოსავლები კლებას განაგრძობს

კომპანია Fidelity-ის ანალიტიკოსების აზრით, მაინერებისთვის ტრანზაქციული შემოსავლების კლების ტენდენცია შესაძლოა გრძელვადიანი იყოს, თუმცა ეს ბლოკჩეინის უსაფრთხოებისთვის რისკს არ წარმოადგენს.

ექსპერტების მოსაზრებით, მაინერების შემოსავლის შემცირების მთავარი კატალიზატორი 2024 წლის იანვარში ამოქმედებული Bitcoin-ის გაცვლითი სავაჭარო ფონდები (ETF) იყო.

საბირჟო პროდუქტებმა პირველი კრიპტოვალუტის ბაზრის მიწოდების მინიმუმ 5% შეადგინეს.

ბიტკოინის ბლოკჩეინის ახლებურად გამოყენების ვარიანტებმა, როგორიცაა აქტივები Runes ან Ordinals-ის პროტოკოლებში, მაინერების მოგებაზე მნიშვნელოვანი გავლენა ვერ მოახდინეს, ამბობენ ექსპერტები.

„ინდუსტრიაში ინსტიტუციონალური ინვესტორების მონაწილეობა წელსაც გაგრძელდება. მაინერებისთვის ტრანზაქციული შემოსავლის შემცირების ტენდენციის შეცვლა ნაკლებად სავარაუდოა.“- ნათქვამია ანგარიშში.

ამასთან, გაზვიადებულია ვარაუდი იმისა, რომ მაინერები შემცირებული შემოსავლისა და უსაფრთხოების მიზეზით მუშაობას შეწყვეტენ. ანალიტიკოსების ვარაუდით, მაღალი საოპერაციო ხარჯების მქონე ზოგიერთმა კომპანიამ შესაძლოა საქმიანობა ისეთ რეგიონებში გადაიტანოს, სადაც ელექტროენერგიის ტარიფები იაფია.

მათი თქმით, ბლოკჩეინის საიმედო ფუნქციონირების შენარჩუნებით პირველ რიგში დაინტერესებულნი არიან მსხვილი ბირჟები და ბაზრის სხვა მონაწილეები, რომლებიც შემოსავალს თავად აქტივთან დაკავშირებული ოპერაციებიდან იღებენ.

მანამდე QCP Capital-ის ექსპერტებმა განაცხადეს, რომ ტრეიდერების ბიტკოინის ცვალებადობასთან დაკავშირებული მოლოდინები შეიცვალა, რადგან ახლა პირველი კრიპტოვალუტის ტენდენციის ჩამოყალიბებაში მთავარ როლს მაკროეკონომიკური ინდიკატორები ასრულებენ.