ბიტკოინის მაინინგის თვითღირებულებამ 45000 დოლარს მიაღწია
მსოფლიოს ერთ-ერთი უმსხვილესი საბანკო ჰოლდინგის, JPMorgan-ის ექსპერტებმა პირველი კრიპტოვალუტის მაინინგის თვითღირებულების შესახებ ახალი ანგარიში წარმოადგინეს. სპეციალისტებმა ჰალვინგის შემდგომი ბაზრის პირობები და ასევე ბიტკოინის ქსელის ჰეშრეიტის აპრილის პიკიდან 8.5%-იანი, 591 EH/s-მდე ვარდნა გაითვალისწინეს.
ამერიკული ბანკის ანალიტიკოსებმა მათ წინამორბედ პროგნოზს გადახედეს. ადრე ისინი აცხადებდნენ, რომ ბლოკის ჯილდოს განახევრების შემდეგ მაინინგის თვითღირებულება 42,000 დოლარი იქნებოდა, თუმცა ახალ ანგარიშში მათ ეს მაჩვენებელი 3,000 დოლარით გაზარდეს.
„ჰალვინგის შემდეგ აქტივის მაინინგის ღირებულებამ 45,000 დოლარს მიაღწია. ჩვენ ვვარაუდობდით, რომ ჰალვინგის შემდეგ ბიტკოინის ჰეშრეითი მნიშვნელოვნად შემცირდებოდა, რადგან არარენტაბელური მაინერები ქსელს დატოვებდნენ. მაგრამ როგორც ჩანს, ეს გარკვეული დაგვიანებით ხდება.“
JPMorgan-ის ანალიტიკოსების პროგნოზის თანახმად, ბიტკოინის კურსი უახლოეს მომავალში უმნიშვნელო ზრდას აჩვენებს. ამის მიზეზი რამდენიმე შემზღუდველი ფაქტორი იქნება. მათ შორის ამერიკულ Bitcoin ETF-ებში სახსრების შეზღუდული შემოდინება.
წარმოების ხარჯების ზრდის მიუხედავად, ბანკის ექსპერტებმა ბიტკოინის ფასის საშუალოვადიანი პროგნოზი 42,000 დოლარის მაჩვენებელზე დატოვეს და აღნიშნეს, რომ ეს მაჩვენებლები BTC-ის მხარდაჭერის საკვანძო დონეა.
მათი აზრით, როგორც კი ჰეშრეითისა და მაინინგის ეფექტურობის მხრივ სიტუაცია დასტაბილურდება, ინდუსტრია ბიტკოინის კურსის დაცემას უნდა ელოდოს.
ეჭვი იმის შესახებ, რომ კრიპტოვალუტის ბაზარი უახლოეს პერსპექტივაში არ გაიზრდება JPMorgan-ის ანალიტიკოსებმა ადრეც გამოთქვეს და ინვესტორებს ციფრული აქტივების ინდუსტრიასთან მიმართებაში სიფრთხილის გამოჩენისკენ მოუწოდეს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)