ბიტკოინის მაქსიმალისტები მთელი ინდუსტრიის ზრდას აფერხებენ

ბიტკოინის მაქსიმალისტები მთელი ინდუსტრიის ზრდას აფერხებენ

ბრედ გარლინგჰაუსი: „ბიტკოინის მაქსიმალისტები მთელი კრიპტოვალუტის ინდუსტრიის ზრდას აჩერებენ“

Ripple-ის აღმასრულებელი დირექტორის ბრედ გარლინგჰაუსის აზრით, მხოლოდ ერთ კრიპტოვალუტაში ინვესტირება არასწორია, რადგან ეს მთელი ციფრული აქტივების ინდუსტრიის განვითარებას აფერხებს.

პარიზში გამართულ Blockchain Week-ის სამიტზე ბრედ გარლინგჰაუსმა (Brad Garlinghouse) განაცხადა, რომ ბიტკოინისა და ზოგიერთი სხვა კრიპტო აქტივების მიმართ ფანატიკური დამოკიდებულება მთელ კრიპტოვალუტის ბაზარს აფერხებს, რომლის კაპიტალიზაციასაც შეუძლია 2 ტრილიონ დოლარს გადააჭარბოს.

Ripple-ის ხელმძღვანელის თქმით, ის ბიტკოინს, ეთერიუმს და სხვა კრიპტო აქტივებს ინახავს. მას სჯერა, რომ ყველა ძირითად კრიპტოვალუტას კარგი პერსპექტივები აქვს და რომ ინდუსტრია აყვავდება.

„ბიტკოინის მაქსიმალისტები კრიპტოვალუტის ინდუსტრიის არაჯანსაღ პოლარიზაციას უწყობენ ხელს. მაგალითად, Yahoo შეიძლება იყოს ისეთივე წარმატებული, როგორც eBay.

არ არის საჭირო მათ შორის არჩევანის გაკეთება, ისინი უბრალოდ სხვადასხვა პრობლემებს წყვეტენ. თითოეულ კრიპტო აქტივს განსხვავებული გამოყენების ვარიანტები აქვს ,

განსხვავებული ბაზარი და აუდიტორია“- თქვა გარლინგჰაუსმა.

მართლაც, ბიტკოინს ბევრი თავდადებული ენთუზიასტი ჰყავს, რომლებიც მხარს მხოლოდ ამ კრიპტოვალუტას უჭერენ.

მათ შორის Twitter-ის თანადამფუძნებელი ჯეკ დორსი (Jack Dorsey) და MicroStrategy-ის აღმასრულებელი დირექტორი მაიკლ სეილორი (Michael Saylor) არიან.

გარლინგჰაუსის აზრით, ბიტკოინის მაქსიმალისტები საზოგადოებაში განხეთქილებას ქმნიან, განსაკუთრებით მაშინ, როცა საქმე კრიპტოვალუტების რეგულირებისთვის აშშ-ს კანონმდებლების ლობირებას ეხება.

გარლინგჰაუსის თქმით, მას ვაშინგტონის შტატში კოორდინაციის ნაკლებობა „შოკში აგდებს“, იმ ფონზე, როცა სხვა სახელმწიფოები კრიპტოვალუტის ინდუსტრიის განვითარებას ცდილობენ.

თუმცა, მარტის ბოლოს, ვაშინგტონის შტატის გუბერნატორმა ჯეი ინსლიმ (Jay Inslee) ბლოკჩეინის დანერგვის შესახებ კანონს მოაწერა ხელი.

მანამდე გარლინგჰაუსმა იმედი გამოთქვა, რომ აშშ-ს პრეზიდენტის ჯო ბაიდენის ბრძანება გააუმჯობესებს მარეგულირებელ გარემოს , სადაც დეპარტამენტები ციფრული აქტივების შესახებ საპირისპირო შეხედულებებს ფლობენ .