ბიტკოინის მიმღები სავაჭრო ობიექტების რიცხვი 174%-ით გაიზარდა
იმ მაღაზიების, კაფეების, ბარებისა და მომსახურებისა და პროდუქტის მომწოდებელი სხვა ობიექტების რაოდენობა, სადაც ბიტკოინით ანგარიშსწორებაა შესაძლებელი, გასული წლის განმავლობაში 174%-ით გაიზარდა. ამის შესახებ ანალიტიკური პორტალის, BTC Map-ის მონაცემები გვამცნობს.
2023 წელს ასეთი დაწესებულებების რაოდენობა 2288-დან 6329-მდე გაიზარდა. პიკი სექტემბერში დაფიქსირდა, როდესაც პორტალზე 6590 საცალო ვაჭრობის ობიექტი დარეგისტრირდა, სადაც გადახდა პირველი კრიპოვალუტით იყო შესაძლებელი. მონაცემების შეგროვება არაკომერციული სერვისის OpenStreetMap-ის მიერ მოხდა.
BTC Map-ის ანალიტიკოსები ამტკიცებენ, რომ მათ მხოლოდ ის დაწესებულებები აღრიცხეს, რომლებშიც ადმინისტრაციაც და კლიენტებიც ბიტკოინებით გადახდის შესაძლებლობას ადასტურებდნენ.
რუკაზე BTC-ის მიმღები სავაჭრო ობიექტების ყველაზე დიდი კონცენტრაცია ცენტრალურ და სამხრეთ ამერიკაში აღინიშნება. ასეთი ობიექტები მნიშვნელოვნად ნაკლებია აფრიკასა და აზიაში. აშშ-სა და ევროპაში კრიპტოვალუტის მიმღები ობიექტების რაოდენობა ასევე შესამჩნევად დიდია.
რუკის მიხედვით, საცალო სავაჭრო პუნქტების რაოდენობით სამხრეთ-აღმოსავლეთ აზიაში ფილიპინები ლიდერობენ. ცოტა ხნის წინ, ამ ქვეყნის ფასიანი ქაღალდებისა და ბირჟების კომისიის კომისარმა განაცხადა, რომ სააგენტო მზადაა მონაწილეობა მიიღოს „ბლოკჩეინ რბოლაში“ და კუნძულებზე უახლესი ტექნოლოგიების განვითარებას შეუწყოს ხელი.
მსგავსი ობიექტები პრაქტიკულად არ არის ჩინეთში, ინდოეთსა და რუსეთში.
ცოტა ხნის წინ, ინდოეთში Apple App Store-მა Binance-ის მობილური აპლიკაციები და რამდენიმე სხვა მსხვილი კრიპტოვალუტის ბირჟა დაბლოკა. ქვეყნის ხელისუფლებამ ის სავაჭრო პლატფორმები, რომლებიც ადგილობრივ მარეგულირებელ ორგანოში დარეგისტრირებული არ არის შავ სიაში შეიყვანა.
ანალიტიკურმა პორტალმა Coin ATM Radar-მა ცოტა ხნის წინ ანგარიში წარმოადგინა, რომელშიც მითითებულია, რომ მიუხედავად პირველი კრიპტოვალუტის ღირებულების მუდმივი ზრდისა, 2023 წელს ბიტკოინის ბანკომატების რაოდენობა მთელ მსოფლიოში მკვეთრად შემცირდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)