ჰალვინგის შემდეგ ბიტკოინის მკვეთრი ზრდაა მოსალოდნელი

ჰალვინგის შემდეგ ბიტკოინის მკვეთრი ზრდაა მოსალოდნელი

გერმანიის უძველესი ბანკის, Berenberg Bank-ის ანალიტიკოსების განცხადებით, მომავალი ჰალვინგი ევოლუციასთან, დროსთან და სხვა თანმდევ გარემოებებთან ერთად ბიტკოინის ღირებულების ზრდისთვის მნიშვნელოვანი ტრამპლინი იქნება.

Berenberg-ის ექსპერტები დასკვნებს იმ გარემოებიდან გამომდინარე აკეთებენ, რომ ბიტკოინი (BTC) გახდა პრაქტიკულად ერთადერთი ციფრული აქტივი, რომელსაც აშშ-ს ფასიანი ქაღალდებისა და ბირჟების კომისია (SEC) არა როგორც ფასიან ქაღალდს, არამედ როგორც საქონელს მოიხსენიებს.

ამრიგად, SEC-ის შესაძლო შეზღუდვები და აშშ-ს ფასიანი ქაღალდების შესახებ კანონი ტრეიდერებისა და აქტივების მფლობელების საინვესტიციო სტრატეგიაზე გავლენას ვერ მოახდენს.

გარდა ამისა, Berenberg-ის ექსპერტები 2024 წლის ჰალვინგის შემდეგ ბიტკოინის ღირებულების მნიშვნელოვან ზრდასაც ელოდებიან.

„ისტორიულად ისე აეწყო, რომ ბიტკოინის ჰალვინგი ყოველთვის აქტივის ფასის მნიშვნელოვან ზრდასთან იყო დაკავშირებული. ჩვენ გვჯერა, რომ მომავალი ღონისძიება წინამორბედისგან არაფრით იქნება განსხვავებული და აქტივის ღირებულების გაზრდისთვის კატალიზატორის ფუნქციის შესრულებას შეიძლებას.“ – მიიჩნევენ Berenberg Bank-ში.

ამჟამად BTC-ის საბაზრო ღირებულება 29,300 აშშ დოლარის ფარგლებში მერყეობს.

აქტივის საბაზრო კაპიტალიზაციამ 567 მილიარდ დოლარს გადააჭარბა, ბოლო ერთი დღის განმავლობაში BTC კურსი 0.03%-ით გაიზარდა.

გასული კვირის ანალოგიურ პერიოდთან შედარებით, ბიტკოინის ღირებულება 7,52%-ით გაიზარდა.