ბიტკოინის საბაზრო მიწოდება სახიფათოდ ცენტრალიზებულია

ბიტკოინის საბაზრო მიწოდება სახიფათოდ ცენტრალიზებულია

ბიტკოინის მაინინგის კრიპტო ანალიტიკოსის ალექს ბერჟერონის განცხადებით, ცენტრალიზაციის ტენდენცია ციფრული აქტივების ბაზარზე მრავალწლიანი კონკურენციის შედეგია და ამჟამად საფრთხის შემცველია.

ალექს ბერგერონი (Alex Bergeron) ხაზს უსვამს, რომ ბიტკოინის მაინინგის სიმძლავრეები რამდენიმე მსხვილ მოთამაშეს შორისაა გადანაწილებული.
კონკურენტული უპირატესობის მოსაპოვებლად ცალკეულმა მაინერებმა პულების ფორმირება, გამოთვლითი სიმძლავრეების გაერთიანება და მიღებული ჯილდოების გაზიარება დაიწყეს. შედეგად, მდიდარმა და დიდმა პულებმა მაინინგის უახლესი ტექნოლოგიების ათვისება სწრაფად დაიწყეს და კონკურენტები ჩამოიცილეს. მაგალითისთვის, პულზე Foundry USA ბიტკოინის ქსელის ჰეშრეიტის დაახლოებით 25% მოდის.

ამერიკული კრიპტოვალუტის ბირჟა Coinbase მინიმუმ ცხრა მაინინგ პულს ემსახურება, მათ შორის არიან: AntPool, F2Pool, Binance Pool, Braiins, btccom, SECPOOL და Poolin. ისინი ერთად ბიტკოინის ქსელის მთლიანი ჰეშრეიტის დაახლოებით 50%-ს შეადგენენ.

ანალიტიკოსი წუხს, რომ Coinbase-ის მსგავსი ორგანიზაციები, რომლებსაც მაინინგის სიმძლავრესა და შედეგებზე მნიშვნელოვანი კონტროლი აქვთ,  პირდაპირ ან ირიბად შეუძლიათ გავლენა მოახდინონ პროტოკოლის ფუნქციონირებაზე, პოტენციურად შეცვალონ იგი მათ სასარგებლოდ, გავლენა მოახდინონ საბაზრო ფასებზე. ალექს ბერგერონის შეშფოთებას BitMEX-ის ექსპერტთა ჯგუფიც იზიარებს.

„ცენტრალიზაციის ასეთ დონეს ორმაგად ალესილი ხმლის მოქმედება გააჩნია. ამან ციფრული აქტივების მაინინგისას შესაძლოა ეკონომიკურ ეფექტურობას და სტაბილურობას შეუწყოს ხელი. მაგრამ ამასთანავე, მართვის სადავეები სულ რამდენიმე კაცის ხელში აღმოჩნდება, რაც პოტენციურად ძირს უთხრის ნდობასა და დეცენტრალიზაციას, რაზეც ბიტკოინი შეიქმნა.“ – ასკვნის BitMEX Research.

ამჟამად ბიტკოინის ქსელის ჰეშრეიტი 651.9 EH/s შეადგენს. წინა პერიოდთან შედარებით, ქსელის ჰეშრეიტი გაიზარდა.