ბიტკოინის ფასი გეომეტრიული პროგრესიით გაიზრდება
იურიენ ტიმერი: ბიტკოინის ფასი გეომეტრიული პროგრესიით გაიზრდება
კომპანია Fidelity Investments-ის გლობალური მაკროეკონომიკის დირექტორი დარწმუნებულია, რომ პირველი კრიპტოვალუტის ღირებულება Apple-ის საბაზრო ღირებულების ზრდას გაიმეორებს.
აქტივების მართვის მსოფლიოში ერთ-ერთი უდიდესი კომპანიის Fidelity Investments-ის ტოპ მენეჯერმა იურიენ ტიმერმა (Jurrien Timmer) „The Investor’s Podcast Network“ სახელწოდების მქონე YouTube არხის მეშვეობით განცხადება გააკეთა. ექსპერტის აზრით, საზოგადოების მიერ კრიპტოვალუტების მიღების შემთხვევაში ბიტკოინის ფასი მხოლოდ გაიზრდება:
„ბიტკოინის ქსელური ეფექტი Apple-ის კომპიუტერების ქსელურ ეფექტს შევადარე. Apple-ის მოგების ზრდასთან ერთად მისი აქციების ფასი გეომეტრიული პროგრესიით იზრდება. მე მაქვს საფუძველი ვიფიქრო, რომ ბიტკოინი ამავე გზას დაადგება. ამ კრიპტოვალუტის ფასი მასზე მოთხოვნის ზრდასთან ერთად მხოლოდ გაიზრდება.“
მაკროეკონომიკის ექსპერტის აზრით, ყველა სხვა კრიპტო აქტივისგან მკვეთრი განსხვავება ბიტკოინზე დადებითად აისახება:
„შესაძლოა, ბიტკოინის ფონზე სხვა ციფრული ვალუტები უკეთესი მასშტაბირების გამო უკეთესად გამოიყურებოდნენ, მაგრამ ამავე დროს, ისინი სავარაუდოდ, ნაკლებად დეცენტრალიზებული იქნებიან. ჩემთვის ბიტკოინი ოქროს მსგავსია, ხოლო სხვა კრიპტოვალუტები უფრო ვენჩურულ კაპიტალს ჰგავს.“
გასული წლის ოქტომბერში ტიმერმა განაცხადა, რომ BTC 2023 წლისთვის 100 000 დოლარს მიაღწევს.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)