ბიტკოინის ფასი 2035 წლისთვის 1.3 მილიონ დოლარს მიაღწევს

ბიტკოინის ფასი 2035 წლისთვის 1.3 მილიონ დოლარს მიაღწევს

Bitwise Asset Management-ის საინვესტიციო დირექტორის მეტ ჰოუგანის (Matt Hougan) პროგნოზით, ბიტკოინის ღირებულება 2035 წლისთვის 1.3 მილიონ დოლარს მიაღწევს.

მისი თქმით, ეს არ არის ვარაუდი, არამედ Bitwise-ის ანალიტიკოსების მიერ ჩატარებული გაანგარიშება, რომელიც მაკროეკონომიკური მონაცემების ფუნდამენტურ ანალიზსა და მსოფლიოში წამყვანი კრიპტოვალუტის ფასების მოდელირებას ეფუძნება.

ჰოუგანის თქმით, მარეგულირებელი ორგანოების მხრიდან კრიპტოვალუტის მხარდამჭერი პოლიტიკისკენ კურსის ცვლილება და სახელმწიფო ვალის ზრდა მხოლოდ ზრდის ბიტკოინის, როგორც ფიატური ვალუტის დევალვაციისგან დაცვის საშუალების მიმზიდველობას.

მან ანალიტიკოსების დასკვნები ილუსტრირებული თეზისით დაასაბუთა – ბიტკოინმა თავდაჯერებულად დაიპყრო რისკის ჰეჯირების ინსტრუმენტების გლობალური ბაზრის დაახლოებით მეოთხედი, სადაც ისტორიულად ოქრო დომინირებდა.

„ბიტკოინი აღარ არის მეორეხარისხოვანი აქტივი, არამედ აქციებთან, ობლიგაციებთან და უძრავ ქონებასთან ერთად საინვესტიციო პორტფელების ფუნდამენტური ელემენტია.“- აღნიშნა მან.

ჰოუგანმა ხაზი გაუსვა ბიტკოინის უდავო უპირატესობებს ოქროსთან მიმართებაში და აღნიშნა, რომ მას ძვირფასი ლითონისთვის კონკურენციის გაწევა არაერთი კუთხით შეუძლია : ის უფრო იშვიათი და ადვილად დასაშლელია, მისი ტრანსპორტირება და შენახვა უფრო მარტივია, მას ვერ გააყალბებ.

„ის ოქროს პრაქტიკულად ყველაფერში აღემატება“ – განაცხადა ექსპერტმა.

Bitwise-ის ტოპ მენეჯერმა კრიპტოვალუტის ბაზარზე ბიტკოინის ინსტიტუციური გამოყენების სწრაფი ზრდაც აღნიშნა. მაგალითად, 2024 წლიდან ბიტკოინის ETF-ებში 170 მილიარდ დოლარზე მეტი ინვესტიცია განხორციელდა, ხოლო 2025 წლისთვის უოლ სტრიტის 12-ზე მეტმა წამყვანმა კომპანიამ ფინანსურ სტრატეგიებში ბიტკოინის ჩართვა მოითხოვა. მსხვილი მოთამაშეები თავიანთ საინვესტიციო პორტფელებში 5%-მდე ბიტკოინის განთავსებას გეგმავენ, რაც, ჰოუგანის თქმით, კრიპტო ბაზრის სტაბილიზაციას შეუწყობს ხელს.

მანამდე ბირჟა BitMEX-ის თანადამფუძნებელმა და ფონდ Maelstrom-ის საინვესტიციო დირექტორმა, არტურ ჰეისმა (Arthur Hayes) განაცხადა, რომ ფედერალური რეზერვის თავმჯდომარის სავარაუდო ცვლილებამ შესაძლოა აშშ-ის ცენტრალური ბანკის პოლიტიკაში ფუნდამენტური ცვლილებები გამოიწვიოს, რაც მიმდინარე ათწლეულის ბოლოს ბიტკოინის ფასის 1 მილიონ დოლარამდე გაზრდის შესაძლებლობას შექმნის.

წყარო: https://www.youtube.com/watch?v=HuyKwD0u5hs