ბიტკოინის ფასი Strategy-ის ფინანსურ მდგომარეობაზეა დამოკიდებული
by Giorgi 
ბიტკოინის ფასი Strategy-ის ფინანსურ მდგომარეობაზეა დამოკიდებული
JPMorgan-ის ანალიტიკოსების აზრით, კომპანია Strategy-ის ფინანსური მდგომარეობა და მისი უნარი ბიტკოინების გაყიდვას თავი აარიდოს, აქტივის ფასზე მნიშვნელოვნად მოქმედებს.
ანალიტიკოსებმა Strategy-ის სტაბილურობის მთავარ მაჩვენებლად mNAV კოეფიციენტი დაასახელეს. ეს ჯერადი კომპანიის საბაზრო ღირებულებას მის ბიტკოინის რეზერვებთან მიმართებაში ასახავს. წლის მეორე ნახევარში მნიშვნელოვანი შემცირების მიუხედავად, კოეფიციენტი სტაბილურად 1.13-ზე რჩება.
„თუ მაჩვენებელი 1-ზე მაღლა შენარჩუნდება და Strategy ბიტკოინის გაყიდვას თავიდან აიცილებს, ეს ბაზარს დაამშვიდებს და კრიპტოვალუტის ფასისთვის ყველაზე ცუდი, სავარაუდოდ, წარსულს ჩაბარდება.“- მიიჩნევენ ექსპერტები.
სტაბილურობის დამატებითი ნიშანი კომპანიის მიერ 1.44 მილიარდი დოლარის რეზერვის შექმნაა. ამ თანხებს აქციონერების წინაშე ორი წლის საპროცენტო ვალდებულებების დაფარვა შეუძლია, რაც პირველი კრიპტოვალუტის იძულებითი გაყიდვის რისკს გამორიცხავს.
ანალიტიკოსებმა ბიტკოინის ფასზე ზეწოლის კიდევ ერთ ფაქტორად ბიტკოინის ქსელის ჰეშრეითის შემცირება და ჩინეთში მკაცრი შეზღუდვების გამო მაინინგის სირთულე დაასახელეს. JPMorgan-ის განმარტებით, მოგების შემცირების გამო, ბოლო კვირების განმავლობაში ზოგიერთი მაინერი იძულებული გახდა ბიტკოინი გაეყიდა.
ცოტა ხნით ადრე, Glassnode-ისა და Fanara Digital-ის ანალიტიკოსებმა განაცხადეს, რომ ბიტკოინის გრძელვადიანი ვოლატილობა 2021 წლის პიკური 84%-დან 43%-მდე შემცირდა, რაც ინსტიტუციური მოთამაშეების შემოსვლით და რეგულირებადი კრიპტო ინსტრუმენტების ამოქმედებით არის განპირობებული.
წყარო: https://www.theblock.co/post/381442/jpmorgan-strategy-bitcoin-price-outlook
სიახლეების გამოწერა
