ბიტკოინის ქსელში მისამართების რაოდენობამ მილიარდს გადააჭარბა
ანალიტიკური სააგენტო Glassnode-ის მონაცემებით, კრიპტო ბაზრის არასტაბილურობამ და პრობლემებმა ბიტკოინის განვითარება ვერ შეაჩერა.
Glassnode-ის ექსპერტების განცხადებით, 11 ივლისს ბიტკოინის ბლოკჩეინის არსებობის მანძილზე პირველად, ქსელში შექმნილი მისამართების რაოდენობამ მილიარდს გადააჭარბა და დღის ბოლოს 1 000 002 559 მისამართი შეადგინა.
ეს იმაზე მეტყველებს, რომ ბიტკოინი კრიპტოვალუტის ბაზრის დაცემის მიუხედავად, კვლავაც პოპულარულია.
ანალიტიკოსების თქმით, კრიპტოვალუტების ბოლოდროინდელმა კრახმა, როგორც ჩანს, ინვესტორების ინტერესი ბიტკოინის, როგორც მაღალი რისკის მქონე აქტივის მიმართ შეასუსტა.
ინფლაციის დაჩქარების ფონზე, ბევრმა ტრადიციულმა აქტივმა ტრეიდერების ფინანსური მხარდაჭერა დაკარგა.
ამავდროულად, ბიტკოინის ფასის დაცემამ ინვესტორებს BTC-ში ინვესტირებისა და ბლოკჩეინზე ახალი მისამართების შექმნისკენ უბიძგა.
მიუხედავად იმისა, რომ შექმნილი მისამართების რაოდენობა ზრდას განაგრძობს, ეს მაჩვენებელი აქტივის მფლობელი მომხმარებლების ზრდას პირდაპირ არ უკავშირდება. ზოგ შემთხვევაში, ინვესტორებს ტრანზაქციების გასაგზავნად და მისაღებად რამდენიმე მისამართი აქვთ.
მისამართების მზარდი რაოდენობა შესაძლოა განპირობებული იყოს ინვესტორების საჭიროებით, კონფიდენციალურობის შესანარჩუნებლად ბიტკოინის ყოველი ახალი ტრანზაქციის დამუშავება ახალ მისამართზე მოახდინონ.
შედარებისთვის, ანალიტიკური კომპანია Santiment-ის მონაცემებით, 2020 წლის დასაწყისიდან პირველად Ripple-ის ბლოკჩეინში უნიკალური მისამართების რაოდენობამ ივლისში 200000-ს გადააჭარბა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)