ბიტკოინი აშშ-ს მოწინააღმდეგეებთან ბრძოლაში დაეხმარება

ბიტკოინი აშშ-ს მოწინააღმდეგეებთან ბრძოლაში დაეხმარება

ცენტრალური სადაზვერვო სააგენტოს (CIA) დირექტორის მოადგილემ, მაიკლ ელისმა (Michael Ellis) კრიპტოვალუტებს აშშ-ის არსენალში არსებულ დამატებითი ინსტრუმენტი უწოდა, რომლის გამოყენებაც მათ მოწინააღმდეგეებთან საბრძოლველად შეუძლიათ.

Pomp Investments-ის დამფუძნებლის, ენტონი პომპლიანოს (Anthony Pompliano) პოდკასტში მონაწილეობისას მაიკლ ელისმა განაცხადა, რომ ცენტრალურ სადაზვერვო სააგენტოს აშშ-ს პოზიციების გასამაგრებლად ბიტკოინის გამოყენება ისეთი ტექნოლოგიური და ეკონომიკური კონკურენტების წინააღმდეგ შეუძლია, როგორიც ჩინეთია.

ელისის თქმით, შეერთებულმა შტატებმა სადაზვერვო ინფორმაციის მოპოვების მიზნით ასევე ბლოკჩეინი უნდა გამოიყენოს.

მან აღიარა, რომ მასშტაბური ძარცვის განსახორციელებლად კრიპტოვალუტებს ხშირად კრიმინალები და ჩრდილოეთ კორეელი ჰაკერები იყენებენ. ასევე ტრანზაქციების ჩანაწერების დასაფარად ხშირად ხდება კრიპტო მიქსერების გამოყენება.

კრიპტოვალუტის საეჭვო მოძრაობის კონტროლისთვის აშშ-ის სამთავრობო უწყებები ბლოკჩეინ მონაცემთა მაინინგის კომპანიებთან თანამშრომლობენ.

„ციფრულ აქტივებს თაღლითები, ნარკოკარტელები და ტერორისტული დაჯგუფებები იყენებენ,  მაგრამ ისინი სხვა ინსტრუმენტებსაც არ უგულებელყოფენ. მიუხედავად ამისა, ბიტკოინს და სხვა კრიპტოვალუტებს სულ უფრო მეტი მსხვილი ინსტიტუტი იღებს. ვფიქრობ, ეს შესანიშნავი ტენდენციაა.“- თქვა ელისმა.

ბიტკოინის დანერგვა თეთრი სახლის ადმინისტრაციის მხრიდან კრიპტოვალუტების მიმართ უფრო მეგობრულ დამოკიდებულებას უწყობს ხელს. დონალდ ტრამპის ინაუგურაციის შემდეგ, რომელმაც პირობა დადო, რომ შეერთებულ შტატებს „მსოფლიოს კრიპტო დედაქალაქად“ აქცევდა, აშშ-ის ფასიანი ქაღალდებისა და ბირჟების კომისიამ (SEC) არაერთი კრიპტო ბირჟისა და ინდუსტრიული კომპანიის წინააღმდეგ სარჩელი შეწყვიტა. თუმცა, ბევრი ბანკი კრიპტოვალუტების მიმართ სკეპტიკურად არის განწყობილი და კრიპტო ტრეიდერების მომსახურებას ერიდება.

ამის შესახებ ცოტა ხნის წინ დონალდ ტრამპის ვაჟმა ერიკ ტრამპმა ისაუბრა. მან საბანკო ინსტიტუტებს მომხმარებელთა მომსახურების გაუმჯობესების მიზნით ბლოკჩეინის დანერგვისკენ მოუწოდა. წინააღმდეგ შემთხვევაში, ათ წელიწადში შესაძლოა სბანკო მომსახურებაზე მოთხოვნა გაქრეს.