ბიტკოინი ახალგაზრდა თაობის ოქროა

ბიტკოინი ახალგაზრდა თაობის ოქროა

ინვესტორს და ჰეჯ-ფონდ Bridgewater Associates-ის დამფუძნებელს რეი დალიოს, ბლოკჩეინის შესაძლებლობების სჯერა და ბიტკოინს  „ახალგაზრდა თაობის ოქროს“ უწოდებს.

MarketWatch-თან ინტერვიუში რეი დალიომ (Ray Dalio) ფინანსურ ბაზარზე არსებული ვითარება განიხილა და ასევე კრიპტოვალუტებზე ისაუბრა, რადგან ამ ინდუსტრიაში დიდი ფული შემოდის. დალიოს თქმით, ბიტკოინს უკვე ბევრი მიღწევა აქვს: კოდის მხარდაჭერა, მისი სტაბილური ფუნქციონირება და მიღება მომხმარებლების მიერ და თუნდაც ის, რომ მას ჰაკერები ვერ ტეხავენ.

ინვესტორის თქმით, მას  ბლოკჩეინის ტექნოლოგიის სჯერა, რადგან მან მრავალი კომპანიის ნდობა მოიპოვა და ნებისნიერ ინდუსტრიაში რევოლუციის მოხდენა შეუძლია.

დალიომ კომენტარი ბიტკოინში ინვესტირებაზეც  გააკეთა.

„მე არ ვარ ბიტკოინის ექსპერტი, მაგრამ მჯერა, რომ მას გარკვეული ღირსებები აქვს. ბიტკოინი ოქროს გავს, თუმცა ოქრომ ფიატური ფულის ალტერნატივად თავი უკეთესად დაიმკვიდრდა.

იმ შემთხვევაშიც კი, თუ ბიტკოინს შინაგანი ღირებულება არ გააჩნია, მას პირობითად დარიცხული ღირებულება აქვს, რაც ნიშნავს, რომ ის   საინვესტიციო პორტფელში ადგილს იმსახურებს“- თქვა დალიომ.

ბიტკოინი რეგულირების გამოწვევების წინაშე დგას, დასძინა ინვესტორმა. ბიტკოინის განვითარებისა და ინვესტორების  კრიპტოვალუტების მიმართ მზარდი ინტერესის გამო მთავრობებმა შესაძლოა ბიტკოინი ფინანსური სისტემისთვის სერიოზულ საფრთხედ მიიჩნიონ და იგი კანონგარეშედ გამოაცხადონ.

დალიოს აზრით, ასეთ მკვეთრ გადაწყვეტილებას ცხადია ყველა ქვეყანა არ მიიღებს  და ბიტკოინი ყველგან აკრძალული არ იქნება. თუმცა, მისი განცხადებით,

 მარეგულირებლებს ბიტკოინის „გაფუჭების“ გზების პოვნა შეუძლიათ.

„მე ბიტკოინების გარკვეული რაოდენობა მაქვს . ყოველთვის მზად ვარ ყველაზე უარესი სცენარისთვის, ამიტომ შესაძლო რისკებისგან თავის დასაცავად ინვესტიციების დივერსიფიკაციის მომხრე ვარ “, – თქვა Bridgewater Associates-ის დამფუძნებელმა.

მაისში დალიომ განაცხადა, რომ ბიტკოინში ინვესტირება მისთვის ობლიგაციებში ინვესტირებასთან შედარებით  უფრო მიმზიდველია, მზარდი ინფლაციისა და იმის შიშის გამო, რომ აშშ დოლარმა შესაძლოა  ღირებულება დაკარგოს.

წყარო: https://bits.media/