by Maria 
ბიტკოინი ინფლაციისგან ვერ დაგიცავთ
ნიუ-იორკის ციფრული საინვესტიციო ჯგუფის (NYDIG) ბიტკოინის კვლევის ხელმძღვანელის, გრეგ ჩიპოლაროს (Greg Cipolaro) განცხადებით, მცდარია მოსაზრება, რომ ბიტკოინს ინფლაციისგან დაცვა შეუძლია.
ჩიპოლაროს აზრით, პირველი კრიპტოვალუტა ეროვნული ვალუტების ვარდნისგან ვერ დაგიცავთ და განვითარებას მხოლოდ სუსტი აშშ დოლარის პირობებში შეძლებს.
„კრიპტო საზოგადოებას მოსწონს ბიტკოინი ინფლაციისგან დაცვის საშუალებად წარმოაჩინოს, მაგრამ სამწუხაროდ, მონაცემები ამ არგუმენტს არ ადასტურებს. ინფლაციის მაჩვენებლებთან კორელაცია არათანმიმდევრული და საკმარისად მაღალი არ აღმოჩნდა.“ – განმარტა NYDIG-ის ანალიტიკოსმა.
როდესაც დოლარი სხვა ვალუტებთან მიმართებაში სუსტდება, ოქროს ფასი იზრდება და იგივე ემართება ბიტკოინსაც, განაცხადა ექსპერტმა. მისი ვარაუდით, ბიტკოინის მსოფლიო ფინანსურ ეკოსისტემაში ინტეგრირებასთან ერთად ეს კავშირი გაძლიერდება.
ბიტკოინისა და ოქროს ფასების ცვლილებაზე ორი ფაქტორი მოქმედებს: აშშ-ის ცენტრალური ბანკის საპროცენტო განაკვეთები და M2 ფულის მასა (მიმოქცევაში არსებული ნაღდი ფულისა და საბანკო ანგარიშებზე არსებული არაფულადი სახსრების ჯამი), აღნიშნა NYDIG-ის წარმომადგენელმა. ძვირფასი ლითონის ფასი მაშინ იზრდება, როდესაც განაკვეთები ეცემა და მცირდება, როდესაც ისინი იზრდება. ანალიტიკოსის აზრით, მსგავსი ურთიერთქმედება იკვეთება და განაგრძობს განვითარებას პირველი კრიპტოვალუტის შემთხვევაშიც.
მანამდე, გრეგ ჩიპოლარომ განაცხადა, რომ აშშ-სა და სხვა ქვეყნებს შორის სავაჭრო ომის ფონზე ბიტკოინი ოქროსა და შვეიცარიულ ფრანკთან ერთად „გამარჯვებულთა სიას შეუერთდა“
სიახლეების გამოწერა
