ბიტკოინი მსოფლიოში ერთადერთი დეფიციტური აქტივია

ბიტკოინი მსოფლიოში ერთადერთი დეფიციტური აქტივია 

მაიკლ სეილორი – „ბიტკოინი მსოფლიოში ერთადერთი დეფიციტური აქტივია“

მაშინ, როცა საკმარისი დროისა და ფინანსების პირობებში ნებისმიერი სხვა პროდუქტის შექმნა განუსაზღვრელი რაოდენობით შეიძლება, MicroStrategy-ის აღმასრულებელმა დირექტორმა ბიტკოინს  მსოფლიოში ერთ-ერთი ყველაზე დეფიციტური აქტივი უწოდა. 

PBD Podcast-თან ინტერვიუში MicroStrategy-ის აღმასრულებელმა დირექტორმა მაიკლ სეილორმა (Michael Saylor)   ბიტკოინის შესახებ თავისი მოსაზრებები გააზიარა.

მისი თქმით, პირველი კრიპტოვალუტის „მაგია“ მის დეფიციტში მდგომარეობს, რადგან ბიტკოინის მიწოდება  21 მილიონი მონეტით შემოიფარგლება.

ყველაფერი დანარჩენი შეიძლება  ნებისმიერი მოცულობით შეიქმნას, აღნიშნა სეილორმა.

MicroStrategy-ის ხელმძღვანელმა მაგალითად უძრავი ქონება მოიყვანა. როდესაც საბინაო ფასები იზრდება, დეველოპერები  მიწოდების გაზრდით არიან დაინტერესებულნი.

ამიტომ, სახლის ყიდვა იმის გარანტიას არ იძლევა, რომ ხალხი ინფლაციური ეკონომიკის პირობებში ფინანსურ სახსრებს შეინარჩუნებს . უძრავ ქონებაზე მაღალი მოთხოვნა  მიწოდების ზრდას გამოიწვევს.  ამასთან, შეძენილი უძრავი ქონების ღირებულება კლებულობს.

„ შესაძლებელია შეიქმნას მეტი უძრავი ქონება ნიუ-იორკში, მეტი მანქანა, ძვირადღირებული საათები, ოქრო, აქციები და ობლიგაციები.

თუ საკმარისი ფული და დრო მაქვს, შემიძლია შევქმნა ნებისმიერი პროდუქტის შეუზღუდავი რაოდენობა“- ამბობს სეილორი.

ამ მიზეზით, ბევრი ადამიანი ბიტკოინს „ციფრულ ოქროს“ უწოდებს, რადგან მას ინფლაციის რისკების ჰეჯირების ეფექტურ ინსტრუმენტად მიიჩნევს.

მსგავს აზრს იზიარებს ჰეჯ-ფონდი SkyBridge Capital-ის თანადამფუძნებელი ენტონი სკარამუჩი, რომელიც დარწმუნებულია, რომ ყველა მსხვილ ინვესტორს თავის პორტფელში ბიტკოინი უნდა ჰქონდეს.

მანამდე მაიკლ სეილორმა განაცხადა, რომ MicroStrategy-ის სტრატეგიას ბიტკოინების გრძელვადიანი შენახვისთვის შეძენა წარმოადგენს. და რომ კომპანია  მათ 100 წლის განმავლობაში შენახვას აპირებს.