ბიტკოინი ომებისა და კრიზისების დროსაც ხელმისაწვდომია

ბიტკოინი ომებისა და კრიზისების დროსაც ხელმისაწვდომია

საინვესტიციო კომპანია Miller Value Partners-ის ხელმძღვანელმა ბილ მილერმა ბიტკოინს სამხედრო და ეკონომიკური სიტუციის მიუხედავად,

ფინანსურ სერვისებზე წვდომის ყველაზე ეფექტური ინსტრუმენტი უწოდა.

მილიარდერი ბილ მილერი (Bill Miller)   სამხედრო კონფლიქტებში ჩართული ყველა ქვეყნისთვის, რომელთა მოქალაქეებსაც საბანკო სერვისებზე წვდომა აქვთ შეზღუდული, ბიტკოინს „მაშველ ინსტრუმენტად“ მოიხსენიებს.

მილერმა მაგალითად 2021 წლის აგვისტოში აშშ-ის ჯარების გაყვანის შემდეგ ავღანეთში ფინანსური ინფრასტრუქტურის კოლაფსი  მოიყვანა.

„როდესაც შეერთებულმა შტატებმა ავღანეთი დატოვეს, ქვეყანაში გადახდის ოპერატორ Western Union-ის მეშვეობით ფულადი გადარიცხვები შეჩერდა.

ავღანეთის მოსახლეობას ბიტკოინის გამოყენება რომ შეძლებოდა, ყველაფერი რიგზე იქნებოდა. მისი გაგზავნა მსოფლიოს ნებისმიერ წერტილშია შესაძლებელი, მთავარია იყოს მობილური ტელეფონი.“ – თქვა მილერმა.

მილერმა ბიტკოინის შესახებ ბოლო განცხადების გამო Berkshire Hathaway-ის მფლობელი უორენ ბაფეტი (Warren Buffett) გააკრიტიკა. ბაფეტის თქმით, ეს აქტივი არაფერს აწარმოებს, ამიტომ მისი ყიდვა 25 დოლარადაც კი არ ღირს.

მილერმა აღნიშნა, რომ ინვესტიციის მიზანი პროდუქტიული აქტივების ფლობა კი არა, ფულის გამომუშავებაა.

იანვარში Miller Value Partners-ის ხელმძღვანელმა განაცხადა, რომ თავისი ქონების ნახევარი ბიტკოინში ჩადო.

კითხვაზე, განაგრძობს თუ არა ის  კაპიტალის შენახვას კრიპტოში, მილერმა უპასუხა, რომ მისი კაპიტალის თითქმის ნახევარი ამაზონის აქციებში იყო დაბანდებული და დაახლოებით იგივე მოცულობა ბიტკოინში.

ახლა კი მისი კაპიტალის 80% ამ ორ აქტივს შორის ნაწილდება.

მანამდე მილერმა აღნიშნა, რომ ბიტკოინს ე.წ „ბუშტის“ ნიშნები არ გააჩნია და მისი განვითარების პერსპექტივები ოპტიმისტურად შეაფასა.

მილიარდერის თქმით, ბიტკოინის ფასი ნულამდე არასოდეს დაეცემა, განსაკუთრებით ინსტიტუციური ინვესტორების დიდი ინვესტიციების გათვალისწინებით.