ბიტკოინი ოქროსთვის არასაკმარისად კარგი კონკურენტია

ბიტკოინი ოქროსთვის არასაკმარისად კარგი კონკურენტია

Bridgewater Associates-ის დამფუძნებელი, 72 წლის ინვესტორი რეი დალიო მიიჩნევს, რომ ბიტკოინი კარგი აქტივია, მაგრამ მას ძალიან ბევრი პრობლემა აქვს, რაც მას ოქროს სრულფასოვან კონკურენტად გახდომის საშუალებას არ აძლევს.

Economic Times-თან ინტერვიუში რეი დალიომ  (Ray Dalio) განაცხადა, რომ შეზღუდული მაქსიმალური მიწოდებით ბიტკოინი ნამდვილად ჰგავს ოქროს.

თუმცა, ნაკლებად სავარაუდოა, რომ სხვადასხვა ქვეყნების ცენტრალური ბანკები მას როგორც სარეზერვო აქტივს გამოიყენებენ.

„ბიტკოინთან დაკავშირებით პრობლემებია. მაგალითად, ყველა ტრანზაქცია გამჭვირვალეა და არ არის დაცული კონფიდენციალურობა.

შესაძლებელია ტრანზაქციების კონტროლი, გაუქმება, ბიტკოინის გამოყენება არალეგალური მიზნებისთვის და ეს ყველაფერი მის ალტერნატიულ ვალუტად გადაქცევას უშლის ხელს.

ამიტომ, სხვადასხვა მიზეზის გამო, არ მგონია ცენტრალურმა ბანკმა ბიტკოინი რეზერვის სახით გამოიყენონ.“

ინვესტორს არ უთქვამს, უშუალოდ როგორ შეიძლება ბიტკოინის ქსელში ტრანზაქციების გაუქმება და გაკონტროლება. სამაგიეროდ ხაზი გაუსვა, რომ ოქრო ინფლაციის ჰეჯირებისთვის უკეთესი საშუალებაა. რადგან პირველი კრიპტოვალუტის მთლიანი კაპიტალიზაცია ჯერ კიდევ ნაკლებია Microsoft-ის კაპიტალიზაციაზე. ხოლო ოქროს ეს მაჩვენებელი ბიტკოინის მაჩვენებელს რამდენჯერმე აღემატება. 

„ვფიქრობ, ოქრო უკეთესია, მაგრამ ახლა სხვა გარემოში ვართ. ჩნდება NFT-ები, ახალი პროექტები.

როგორც ვთქვი, ბიტკოინს შეიძლება  კონკურენტი ეწოდოს, მაგრამ ის ოქროზე უარესია… თუმცა, ამას მომავალი გვიჩვენებს.

ვფიქრობ, ინდუსტრია უახლოეს 5-10 წელიწადში განვითარდება.“- ამბობს Brdigewater Associates-ის დამფუძნებელი.

ამგვარად, დალიო კრიპტოვალუტის ინდუსტრიის მიმართ ოპტიმისტურად არის განწყობილი და ინდუსტრიის ზრდას ელის. მან ინვესტორებს მოუწოდა თავიანთი პორტფელების დივერსიფიკაცია მოახდინონ. მისი აზრით, როგორც დივერსიფიკაციის ინსტრუმენტი კრიპტოვალუტები არც ისე ცუდია.