ბიტკოინი უსასრულოდ არ გაიზრდება

ბიტკოინი უსასრულოდ არ გაიზრდება

კრიპტო ანალიტიკოსისა და ფონდ CMCC Crest-ის თანადამფუძნებლის ვილი ვუს (Willy Woo) განცხადებით, საშუალოვადიან პერსპექტივაში პირველი კრიპტოვალუტა წლიურ 8%-იან ზრდას შეინარჩუნებს, რაც მაკროეკონომიკური პარამეტრებით გლობალური მშპ-ს 3%-ს შეესაბამება.

ვილი ვუმ საზოგადოება იმ მითის მსხვრევის შესახებ გააფრთხილა, რომ ბიტკოინი მუდმივ, დაუსრულებელ ზრდას აჩვენებს.

„ხალხი ფიქრობს, რომ ბიტკოინი ჯადოსნური მარტორქაა, რომელიც მთვარის სხივებზე უსასრულობისკენ მიფრინავს. სინამდვილეში, 2020 წლიდან, როდესაც თამაშში კორპორაციები და მთავრობები ჩაერთნენ, წლიური ზრდის ტემპი (CAGR) 100%-დან 30-40%-მდე შემცირდა და კლებას განაგრძობს.“- თქვა ანალიტიკოსმა.

მისი თქმით, ბოლო 150 წლის მანძილზე ახალი მაკროეკონომიკური აქტივის სახით პირველი კრიპტოვალუტა ბაზრიდან კაპიტალის შთანთქმას იქამდე განაგრძობს, სანამ წონასწორობას არ მიაღწევს.

ვუს მოსაზრებით, იმ შემთხვევაშიც კი, თუ ბიტკოინის საშუალო წლიური ზრდის ტემპი კვლავაც შემცირდება, მის გრძელვადიან პროდუქტიულობას ვერცერთი სხვა საჯაროდ ხელმისაწვდომი საინვესტიციო პროდუქტი ვერ შეედრება. მისი აზრით, ბიტკოინის ზრდას თვალყურს მომდევნო 15-20 წლის განმავლობაში მივადევნებთ.

მანამდე, ვილი ვუმ განაცხადა, რომ პირველი კრიპტოვალუტის მეოთხე ხალვინგი უნიკალური ფენომენი იყო და ახალგაზრდებს ბიტკოინში ინვესტიციების ჩადებისკენ მოუწოდა.