ბიტკოინი ფინანსურ გადატრიალებას მოახდენს

ბიტკოინი ფინანსურ გადატრიალებას მოახდენს

ავსტრალიელმა ფინანსურმა ჟურნალისტმა ალან კოლერმა ბიტკოინს ფინანსურ სექტორში „აჯანყება“ უწოდა.

ადამ კოლერის (Alan Kohler) განმარტებით, 2022 წლის კრიპტოვალუტის ბაზრის კოლაფსის მიუხედავად, ბიტკოინი ფინანსური კაპიტალიზმის ყველა საფუძველს ძირს უთხრის.

ბიტკოინის მიწოდება მხოლოდ 21 მილიონი მონეტით შემოიფარგლება, ხოლო მისი ემისია განსაზღვრული პარამეტრებით იზღუდება, განსხვავებით ცენტრალური ბანკებისგან, რომლებიც ფულს შეუზღუდავი რაოდენობით ბეჭდავენ.

„ბიტკოინი არ არის პონცის ტიპის კრიპტოპირამიდული სქემა ან ბუშტი, არამედ ფინანსურ სისტემაში წარმოადგენს რევოლუციურ აქტივს, რომელიც ფინანსურ სისტემაში გადატრიალებას მოაწყობს “- თქვა კოლერმა.

ჟურნალისტმა ბიტკოინის არასტაბილურობის მიუხედავად, ხაზი მის პროგნოზირებადობას გაუსვა. კოლერმა გაიხსენა ტრადიციული ფინანსური ინდუსტრიის არაერთი განცხადება გაიხსენა, რომლებიც ბიტკოინის ნულამდე დაცემას პროგნოზირებდნენ.

მაგალითად, მსგავსი განცხადებები ეკუთვნის საინვესტიციო ინდუსტრიის ვეტერანს ჩარლზ მანგერს (Charles Munger), რომელიც ციფრულ აქტივებში ინვესტირების წინააღმდეგი იყო.

იმაში, რომ კრიპტო აქტივების უმეტესობა ადრე თუ გვიან ღირებულებას დაკარგავს, დარწმუნებული იყო ვენჩურული ინვესტორი კევინ ო’ლირიც (Kevin O’Leary).
თუმცა, ეს არ მოხდა – პირიქით, ბიტკოინი აღდგა და კიდევ ერთ რეკორდულ მაჩვენებელს მიაღწია, აღნიშნა კოლერმა.

არსებობს შესაძლებლობა, რომ პირველი კრიპტოვალუტა კვლავ დაეცეს, მაგრამ არავითარ შემთხვევაში ნულამდე. ბიტკოინის ჩამოშლის მხოლოდ იმ ექსპერტებს სჯერათ, რომლებსაც მისი გეოპოლიტიკური და ფინანსური მნიშვნელობა არ აქვთ გააზრებული. ამიტომ, სკეპტიკოსები მარადიული გაკვირვებისთვის არიან განწირულნი, თქვა ჟურნალისტმა.

კოლერის აზრს მილიარდერი მარკ კუბანიც (Mark Cuban) ეთანხმება. ის დარწმუნებულია, რომ მონეტების შეზღუდული მიწოდება ბიტკოინზე
მოთხოვნას გაზრდის და სწორედ ეს გახდება პირველი კრიპტოვალუტის ზრდის კატალიზატორი.