ბიტკოინი შესაძლოა მზარდი ინფლაციისგან ხსნად იქცეს

ბიტკოინი შესაძლოა მზარდი ინფლაციისგან ხსნად იქცეს

ამერიკელმა სენატორმა სინტია ლამისმა სახელმწიფო ვალისა და ინფლაციის ზრდის გამო შეშფოთება გამოთქვა. მისი აზრით, პირადი დანაზოგის შესანარჩუნებლად მოქალაქეებმა ინვესტიცია ბიტკოინში უნდა განახორციელონ.

ბოლო ინტერვიუში ვაიომინგის შტატის სენატორმა სინტია ლამისმა (Cynthia Lummis)  პირველი კრიპტოვალუტის სასარგებლოდ კიდევ ერთხელ ისაუბრა.

მისი თქმით, ბიტკოინის შეჩერება უკვე შეუძლებელია – მთავრობებს არ შეუძლიათ კრიპტოვალუტების კონფისკაცია მოახდინონ და ეს ციფრული აქტივების მთავარი უპირატესობაა.

ამიტომ ლამისის აზრით, შექმნილ ეკონომიკურ ვითარებაში, საკუთარი დანაზოგის ინფლაციისგან დასაცავად ადამიანებმა ყურადღება ბიტკოინისკენ უნდა მიმართონ.

„ვხედავ როგორ არის ჩემს მშობლიურ შტატ ვაიომინგში ხალხი იძულებული საკვების ფონდებს მიმართოს.  სამსახურში მისასვლელად მათ ბენზინი სჭირდებათ და არჩევანის გაკეთება საწვავსა და საკვებს შორის უწევთ. დოლარის ფასი ეცემა და ახლა ხალხს იგივე თანხით იმის ნახევარი საკვების ყიდვა შეუძლია, რისიც ადრე. ძალიან ლოგიკურია ყურადღების გადატანა ისეთ აქტივებზე, რომლებიც გრძელვადიან პერსპექტივაში იარსებებენ. ეს არის ბიტკოინი და მიხარია, რომ ის არსებობს.“ – განაცხადა ლამისმა.

სენატორმა დასძინა, რომ ზოგიერთ ქვეყანაში, სადაც  ეკონომიკა არასტაბილურია, სამართალდამცავი ორგანოები მოქალაქეებს სახლებსა და სხვა დაგროვილ ქონებას ხშირად ართმევენ.

მრავალი ადამიანისთვის, რომლებსაც ცხოვრება საფრთხის შემცველ გარემოში უწევთ ბიტკოინი ერთგვარი საყრდენია, ამიტომ მთავრობა  პირველი კრიპტოვალუტის ლეგალიზაციას ვერ დაუშვებს.

ივნისში ლამისმა ნიუ-იორკის შტატის სენატორ კირსტენ ჯილიბრენდთან (Kirsten Gillibrand) ერთად კრიპტო აქტივების რეგულირების კანონპროექტი წარადგინა,

რომელიც მათ აშშ-ს ფინანსურ სისტემაში სრულ ჩართვას ითვალისწინებს.

თუმცა, აშშ-ის ფასიანი ქაღალდებისა და ბირჟების კომისიის (SEC) თავმჯდომარის, გერი გენსლერის (Gary Gensler) აზრით, ეს კანონპროექტი ტრადიციულ ფინანსურ სექტორს მხოლოდ დაბნეულობას შემატებს.