ბიტკოინი 10 მილიონი დოლარი ეღირება

ბიტკოინი 10 მილიონი დოლარი ეღირება

ამერიკული პროგრამული უზრუნველყოფის კომპანია MicroStrategy-ის თანადამფუძნებელი ბიტკოინის 10 მილიონ დოლარამდე ზრდას პროგნოზირებს. მაიკლ სეილორის აზრით, პირველი კრიპტოვალუტა კორპორაციების ეკონომიკურ უკვდავებას უზრუნველყოფს.

ბიტკოინის შესახებ პოდკასტის მასპინძელ რობინ სეირთან (Robin Seyr) დისკუსიის დროს მაიკლ სეილორმა (Michael Saylor) განაცხადა, რომ ბიტკოინს გადახდის სრულყოფილი საშუალება და ფინანსური სისტემის მომავალი შეიძლება ეწოდოს.

მისი თქმით, ეკონომიკური თვალსაზრისით,  ყველაფერი, რაც ბიტკოინამდე არსებობდა მისი გამოჩენის შემდეგ მოძველდა.

„სატოშიმდე ეკონომიკა ფსევდომეცნიერება იყო. ეს იყო მოსაზრებებითა და ცრურწმენებით სავსე კვაზირელიგიური ლიბერალური ხელოვნება. სატოშიმდე ყველა ეკონომისტი ცდილობდა ეკონომიკის კანონები ნიჟარების, მინის მძივების, ქაღალდის ნაჭრებისა და საკრედიტო ინსტრუმენტების გამოყენებით შეემუშავებინა.“

მაიკლ სეილორმა ხაზგასმით აღნიშნა, რომ ჩინეთიც აუცილებლად მიიღებს კრიპტოვალუტას, ისევე როგორც მსოფლიოს კომპანიების უმეტესობა.

„ოდესღაც მომავალში, ბიტკოინი 10 მილიონი დოლარი ეღირება და კორპორაციებს ეკონომიკურ უკვდავებას შესთავაზებს.”- თქვა მან.

ინვესტორის თქმით, იმ შემთხვევაში, თუ კორპორაციებს გლობალურ ბაზარზე არსებობის გაგრძელება ენდომებათ, მათ კრიპტოვალუტის, როგორც მომგებიანი საინვესტიციო ინსტრუმენტის აღრიარება და მიღება მოუწევთ.

მანამდე MicroStrategy-მ, რომელიც მსოფლიოში ბიტკოინის ერთ-ერთი უმსხვილესი მფლობელია, აშშ-ის ფასიანი ქაღალდებისა და ბირჟების კომისიას (SEC) 786 მილიონ დოლარად დამატებითი 11,931 BTC-ის შეძენის შესახებ ანგარიში ჩააბარა.