by Giorgi 
„ბიტკოინი $10,000$-მდე დაეცემა“ – Bloomberg
Bloomberg-ის ექსპერტი ბიტკოინის ფასის 10,000 დოლარამდე დაცემას პროგნოზირებს.
Bloomberg-ის ანალიტიკოსის, მაიკ მაკგლონის (Mike McGlone) თქმით, ბიტკოინის ფასი შესაძლოა ახალ წელს 50 000 დოლარამდე დაეცეს, თუმცა ეს ფასი წამყვანი კრიპტოვალუტისთვის მინიმალური ნიშნული არ იქნება. ექსპერტის თქმით, კრიპტოვალუტების ფასმა პიკს 2025 წელს უკვე მიაღწია და მოსალოდნელია, რომ ამის შემდეგ ის მხოლოდ შემცირდება.
ექსპერტის პროგნოზით, საბაზრო კაპიტალიზაციის მიხედვით ყველაზე დიდი კრიპტოვალუტის ფასის ვარდნა 50 000 დოლარის ნიშნულზე არ შეჩერდება და სავარაუდოდ 10 000 დოლარამდე ჩამოვა – სწორედ ამდენი ღირდა მონეტა 2020 წლამდე, როდესაც კორონავირუსის პანდემიამ და ეკონომიკურმა პრობლემებმა ადამიანებს ციფრულ აქტივში ინვესტიციებისკენ უბიძგა.
„ძვირფას ლითონებს შორის ოქროს მხოლოდ სამი მთავარი კონკურენტი ჰყავს: ვერცხლი, პლატინა და პალადიუმი. მისგან განსხვავებით, 2009 წელს ბიტკოინი პირველი კრიპტოვალუტა იყო, მაგრამ ახლა ციფრულ აქტივებს შორის მილიონობით კონკურენტი ჰყავს.“ – წერს მაკგლონი სოციალურ ქსელ X- ში.
ანალიტიკოსმა 2025 წელს ბიტკოინის მკვეთრი ზრდის მიზეზად „ჭარბი ლიკვიდურობა“ დაასახელა. მისი აზრით, 10,000 დოლარამდე ვარდნა „ნორმალურ ნიშნულზე დაბრუნების“ მაჩვენებელი იქნება.
ბლოკჩეინ ანალიტიკური სერვისის 10x Research-ის ექსპერტების ვარაუდით კი, იანვარში კრიპტობაზარი შესაძლოა პირიქით დაღმავალი ტრენდიდან გამოვიდეს. მათი შეფასებით, ძირითად კრიპტოვალუტებს აქვთ შანსი, რომ აღმავლობისკენ წავიდნენ. მათი თქმით, ეკონომიკური ფონი სულ უფრო პროგნოზირებადი ხდება და უკვე მომავალი წლის იანვრისთვის ბიტკოინის ფასი შესაძლოა 95,000 დოლარს მიუახლოვდეს.
წყარო: https://x.com/mikemcglone11
სიახლეების გამოწერა
