ბიტკოინი 20 წლის შემდეგაც აქტუალური იქნება

ბიტკოინი 20 წლის შემდეგაც აქტუალური იქნება.

Facebook-ის ბლოკჩეინის ქვეგანყოფილების ყოფილი ხელმძღვანელი დევიდ მარკუსი მიიჩნევს, რომ ბიტკოინი წამყვან კრიპტოვალუტად რამდენიმე ათწლეულის განმავლობაში  დარჩება.

დევიდ მარკუსმა (David Marcus) ბიტკოინის სამომავლო პერსპექტივებზე ისაუბრა.

ის დარწმუნებულია, რომ დროთა განმავლობაში ბიტკოინის კურსი გაიზრდება, რადგან ეს კრიპტოაქტივი სახელმწიფოსა თუ ორგანიზაციებისგან დამოუკიდებლად ფუნქციონირებს.

ბიტკოინი სახელმწიფოსა თუ კორპორაციების მიერ კონტროლირებადი ცენტრალიზებული ციფრული სისტემებისთვის უნიკალური ალტერნატივა გახდა.

მარკუსის აზრით, ბიტკოინის ეკოსისტემა ყოველი ახალი მომხმარებლის მოზიდვასთან ერთად უფრო გაძლიერდება და ვერცერთი სხვა კრიპტოვალუტა  მისი წამყვანი პოზიციიდან ჩამოშორებას ვერ შეძლებს, ვერც უახლოეს მომავალში და ვერც გრძელვადიან პერსპექტივაში.

„ჩემთვის ნათელი გახდა, რომ ბიტკოინი კრიპტოვალუტის სივრცეში  ერთადერთი აქტივი იქნება, რომელიც მინიმუმ კიდევ 20 წელი იარსებებს და მისი კაპიტალიზაცია მხოლოდ გაიზრდება.“- თქვა მარკუსმა.

მას გაუჭირდა იმ ალტკოინის დასახელება, რომელიც განსაზღვრული პერიოდის განმავლობაში ბიტკოინის შემდეგ მეორე ადგილს დაიკავებს, თუმცა, დარწმუნებულია, რომ თითოეულ ალტკოინს საკუთარი უპირატესობა აქვს.

მასშტაბირების პრობლემის მიუხედავად, ალტკოინებისგან  ყველაზე ძლიერად  Ethereum გამოიყურება.

თუმცა, Ethereum 2.0-ზე გადასვლაც კი მომავალში ალტკოინებს შორის Ethereum-ის დომინირების გარანტიას არ იძლევა.

მარკუსმა განცხადება მას შემდეგ გააკეთა, რაც Diem Association-მა მარეგულირებლებთან უთანხმოების გამო Diem stablecoin-ის ამოქმედებაზე უარი განაცხადა.

Meta მოგვიანებით,  Block Inc-ის დამფუძნებელმა და Twitter-ის თანადამფუძნებელმა ჯეკ დორსიმ გააკრიტიკა.

მისი აზრით, კომპანიამ ამდენი წელი ტყუილად დაკარგა, მაშინ როცა შეეძლო ძალისხმევა ბიტკოინის ქსელის განვითარებისკენ მიემართა.

წყარო: https://bits.media/