ბიტკოინი 30,000 დოლარამდე დაეცემა

ბიტკოინი 30,000 დოლარამდე დაეცემა

ცნობილი კრიპტოვალუტის ანალიტიკოსი და ტრეიდერი მაიკლ ვან დე პოპი მიიჩნევს, რომ აღმოსავლეთ ევროპაში გეოპოლიტიკური დაძაბულობის ფონზე,

ბიტკოინი და ეთერიუმი რეკორდულ მინიმუმამდე დაეცემა.

მაიკლ ვან დე პოპმა თავის YouTube პოდკასტზე განაცხადა, რომ უკრაინაში არსებული ვითარება  ეკონომიკურ გაურკვევლობას იწვევს, რაც საფონდო ინდექსებზე, ინფლაციაზე, ოქროსა და ბიტკოინის ფასებზე გავლენას ახდენს.

„მოცემულ ეტაპზე ჩვენ ვხედავთ, რომ ბიტკოინი მნიშვნელოვნად ეცემა. რატომ? მომენტალური პანიკის გამო. უნდა გესმოდეთ,

რომ ტრეიდერები  მოკლევადიან პერსპექტივაზე ორიენტირებული ადამიანები არიან, ძალიან იმპულსურები, ემოციურები და ბაზრებიც სწორედ ამას ასახავს “- ამბობს ის.

ტრეიდერი აღნიშნავს, რომ მიმდინარე ვარდნა შესაძლებლობას წარმოადგენს მათთვის, ვინც პირველი კრიპტოვალუტის მიმართ ჯერ კიდევ ოპტიმისტურად არის განწყობილი.

თუმცა, BTC – ს მაინც შეუძლია 30,000$-ის ქვევმოთ დაეცეს.

„მიზეზი, რის გამოც ბიტკოინი ახლა ეცემა არის ის, რომ დიაპაზონი ვიწროვდება. ამიტომ დროის ის პერიოდი, როდესაც ადამიანები ამ აქტივზე უარს ამბობენ და აშშ დოლარს ან ოქროს ამჯობინებენ, უფრო მოკლდება.

ამის გამო, ბიტკოინის ფასი ეცემა და ჩვენ ვხედავთ, რომ უფსკრული ფუნდამენტურ ზრდასა და ფასს შორის უფრო ღრმავდება, რაც დიდ შესაძლებლობებს ქმნის.

თუ ბიტკოინი ცოტათი დაიკლებს და დაკარგავს დიაპაზონს $38,000-დან $39,500-მდე, ლიკვიდობა მინიმუმს ქვემოთ ჩამოვა.

სწორედ აქ დაინახავთ შებრუნებას. თქვენ მიიღებთ ზრდის დივერგენციას უფრო მაღალ თაიმფრეიმში. ახლა ბაზრები კვლავ კორექტირებას განიცდიან.“ – შეაჯამა მან.

მაიკლ ვან დე პოპი მიიჩნევს, რომ Ethereum-ი და სხვა ალტკოინები ტრეიდერების ძლიერ ზეწოლას განიცდიან, რის გამოც მათი ვარდნა შესაძლოა გაგრძელდეს იქამდე, სანამ Ethereum 2000$-ის ნიშნულს არ მიუახლოვდება.

მისი განმარტებით, ბაზრებთან მიმართებაში გაურკვევლობა  ალტკოინების გაყიდვას იწვევს.

ეს Ethereum-ის შემთხვევაში, რომელიც  2000$-ისკენ მიდის, განსაკუთრებით შესამჩნევია. მაიკლ ვან დე პოპმა ხაზგასმით აღნიშნა, რომ ბიტკოინის კურსმა შებრუნებამდე  ყველა დროის მინიმუმს უნდა მიაღწიოს.

ბიტკოინის ფასის კლებას ელოდება კრიპტოვალუტის ანალიტიკოსი ბენჯამინ კოუენიც (Benjamin Cowen), რადგან ბაზრებს შიში და გაურკვევლობა დაეუფლა.

ანალიტიკური ფირმა Glassnode-ის ცნობით, მოკლევადიანი ინვესტორები, რომლებმაც ბიტკოინში ინვესტიცია მაშინ მოახდინეს, როდესაც მისი ღირებულება $69,000 იყო, მონეტებს ზარალში ყიდიან.

ამასთან, გრძელვადიანი ინვესტორები ბიტკოინების შენახვას აგრძელებენ.