ბიტკოინი 30000 დოლარზე დაბლა დაეცემა

ბიტკოინი 30000 დოლარზე დაბლა დაეცემა

მაკროანალიტიკოსის ლინ ოლდენის აზრით, შეერთებულ შტატებში ბიზნეს აქტივობის ინდექსის ვარდნისა და ფედერალური  პოლიტიკის გამკაცრების გამო ბიტკოინისთვის 2022 წელი დაღმავალი იქნება.

ამერიკელმა საინვესტიციო სტრატეგმა ლინ ოლდენმა (Lyn Alden)  Stansberry Research-თან ინტერვიუში განაცხადა, რომ ბიზნეს აქტივობის ინდექსი (PMI) 2022 წელს ბიტკოინის ღირებულების დაცემაზე მიუთითებს.

ალდენმა განმარტა, რომ იგი  PMI-ს თვალყურს ადევნებს, რათა BTC ბაზარზე ტენდენციები წინასწარ განსაზღვროს :

„ბიტკოინის ზრდის ტემპი სწრაფი 2011, 2013, 2017 და 2020 წლებში იყო. ამას PMI-ის ზრდა , ანუ ეკონომიკური აჩქარება დაემთხვა. 

ამგვარად, ახლა ღირებულების ზრდისთვის  საუკეთესო პერიოდი არ არის. ასევე, ახლა ბიტკოინი თავისი ვოლატილობის გამო,  ინვესტორთა უმეტესობისთვის სარისკო აქტივად არის კვალიფიცირებული. ამიტომ 2022 წლის მიმართ ოპტიმისტურად განწყობილი არ ვარ.“

ანალიტიკოსი აღნიშნავს, რომ PMI ახლა 58%-ს შეადგენს რაც 2021 წლის მარტთან შედარებით 9,38%-ით ნაკლებია.

აშშ-ს ფედერალური რეზერვის მონეტარული პოლიტიკის გამკაცრების ფონზე PMI-ის ვარდნა პირველი კრიპტოვალუტის ღირებულების დაცემის  კატალიზატორი შეიძლება გახდეს.

ოლდენს მიაჩნია:

„თუ როგორც 2020 წლის მარტში, ბაზრის ტურბულენტობას შეეჯახებით, შეგიძლიათ ეს  ბიტკოინის შეძენისთვის სიგნალად მიიღოთ.  პირადად მე ამ მომენტს ბიტკოინის ყიდვის შესაძლებლობად განვიხილავ.

ასეთ სიტუაციაში ჩვენ, რა თქმა უნდა შევძლებთ  დავინახოთ, რომ  ფასი 30,000 დოლარზე დაბლა დაეცემა.“

ანალოგიურად ფიქრობს კრიპტოვალუტის ფონდის Sonic Capital-ისა და ფინანსური ინკუბატორის  Hydro Labs-ის დამფუძნებელი სტეფან რასტიც (Stefan Rust).

მისი აზრით, ზრდის ციკლის შემდეგ ამაში უჩვეულო არაფერია. Galaxy Digital-ის დამფუძნებელი, მაიკლ ნოვოგრაცი (Michael Novogratz) 1 მილიონი დოლარის ფსონსაც კი ჩამოვიდა, რომ BTC-ის ფასი 35000 დოლარზე დაბლა არ ჩამოვა.

საფონდო ტრეიდერი და ბლოგერი ჯასტინ ბენეტი (Justin Bennett) კი მიიჩნევს, რომ ბაზარზე  „ხარების ტრენდია“ შენარჩუნებული და ბიტკოინისთვის აღმავალი ტრენდის ცვლილება მხოლოდ დოლარის ინდექსის ვარდნის შემდეგ შეიძლება დაიწყოს. 

წყარო: https://bits.media/