ბიტკოინი 70000 დოლარამდე ნახტომისთვის ემზადება
Bloomberg-ის უფროსი სტრატეგის მაიკ მაკგლოუნმის განცხადებით, ბიტკოინისთვის „ხარების ბაზარი“ არ დასრულებულა და უახლოეს მომავალში შესაძლოა მისმა კურსმა 70000$-ს მიაღწიოს.
The Tape with Bloomberg პოდკასტის დროს, ანალიტიკოსმა წამყვანებს პოლ სუინის და სონალი ბაზაკს, კრიპტოვალუტის ბაზართან დაკავშირებით თავისი დადებითი ხედვა გაუზიარა.
მან ხაზგასმით აღნიშნა, რომ ახლა ნავთობის ბაზარი „დათვების ბაზარია“, განსხვავებით კრიპტოვალუტის ბაზრისგან, სადაც სიტუაცია საპირისპიროა.
წლის დასაწყისიდან პირველი კრიპტოვალუტის კურსი 64%-ით გაიზარდა და მაკგლონის აზრით, ციფრული აქტივების ბაზრის ზრდა ჯერ არ დასრულებულა.
„ჩემი გადმოსახედიდან, 45000 დოლარამდე და მეტი კლება სისუსტის ნიშანი იქნებოდა, მაგრამ ეს ნაკლებად სავარაუდოა“ – თქვა მაიკ მაკგლონმა.
Bloomberg-ის ანალიტიკოსი მიიჩნევს, რომ BTC-ის კურსის შემდეგი დიდი სამიზნე 100 000 დოლარია, ამაზე მან არაერთხელ ისაუბრა და კვლავაც ამ აზრზე რჩება. მაგრამ მანამდე ბიტკოინმა 70 000 დოლარს უნდა მიაღწიოს და მაკგლონის თქმით, ამ გზაზე ის დიდ წინააღმდეგობას ვერ ხედავს.
წამყვანები ალტკოინების თემასაც შეეხნენ, რა დროსაც მაკგლონმა უფრო კონსერვატიული შეხედულება გამოავლინა. მისი აზრით, მნიშვნელოვანი მხოლოდ Bitcoin, Ethereum და სტეიბლკოინებია. ყველა სხვა ჟეტონები და მონეტა, მათ შორის Dogecoin, უაღრესად სპეკულაციურ აქტივებს წარმოადგენენ და ბაზარს დროთა განმავლობაში დატოვებენ.
ბიტკოინისთვის ერთ-ერთ უაღრესად დადებით ფაქტორად მაიკ მაკგლონი კრიპტოვალუტების შეერთებულ შტატებში მიღებას განიხილავს. ანალიტიკოსი იმედოვნებს, რომ უკვე მომავალ წელს, აშშ-ს მარეგულირებლები ციფრული აქტივების მზარდი საყოველთაო აღიარების ფონზე დათმობაზე წავლენ და აუცილებელ საკანონმდებლო რეგულაციებს შეიმუშავებენ.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)