ბიტკოინმა შესაძლოა ღირებულება დაკარგოს

ბიტკოინმა შესაძლოა ღირებულება დაკარგოს

Block Inc-ის აღმასრულებელი დირექტორისა და Twitter-ის შემქმნელის განცხადებით, ბიტკოინმა შესაძლოა ღირებულება დაკარგოს იმ შემთხვევაში, თუ კრიპტო საზოგადოება მის ყოველდღიურ ტრანზაქციებში გამოყენებას შეწყვეტს.

ჯეკ დორსიმ (Jack Dorsey) ხაზგასმით აღნიშნა, რომ ბიტკოინის, როგორც ფიზიკური ოქროს ალტერნატივის, დანაზოგის სახით გამოყენება საკმარისი არ არის.

„ვფიქრობ იმისთვის, რომ ბიტკოინმა აქტუალობა არ დაკარგოს, ის გადახდის საშუალება უნდა გახდეს. წინააღმდეგ შემთხვევაში, ის უბრალოდ გადაიქვევა იმად, რასაც ყიდულობ და ივიწყებ, გამოიყენებ მხოლოდ საგანგებო სიტუაციაში ან როცა აქტივის ლიკვიდაცია გსურს. თუ ის რეალურ ცხოვრებაში გამოყენებას ვერ ჰპოვებს და ყოველდღიური გადახდების სფეროში არ გადაინაცვლებს, მისი აქტუალობა სწრაფად შემცირდება.“- თქვა დორსიმ.

დორსის თქმით, უნდა შემუშავდეს მარტივი და ხელმისაწვდომი გადახდის გადაწყვეტილებები, რომლებიც პირველი კრიპტოვალუტით გადახდისას ტრანზაქციების სიჩქარეს, კონფიდენციალურობას და უსაფრთხოებას უზრუნველყოფს.

მისი აზრით, კრიპტოვალუტის ხელმისაწვდომობის გაუმჯობესებით და იმ ძირითად იდეებთან დაბრუნებით, რომლებითაც ბიტკოინი შეიქმნა, არასტაბილურობის პრობლემების მოგვარება შესაძლებელია.

მანამდე დორსიმ განაცხადა რომ ბიტკოინს არა მხოლოდ როგორც ვალუტას აღიქვამს, არამედ როგორც დომინანტურ გლობალურ სარეზერვო აქტივს, რომელსაც მომავალში აშშ დოლარის ჩანაცვლება შეუძლია.