by Giorgi 
ბიტკოინ ფონდებმა თვის დასაწყისიდან კაპიტალის ყველაზე დიდი გადინება განიცადეს
ინვესტორებმა ბიტკოინის სპოტ გაცვლითი სავაჭრო ფონდებიდან (ETF) ერთ დღეში 469.1 მილიონი დოლარი გაიტანეს, რაც 2 ივნისის შემდეგ ყველაზე დიდი ერთდღიანი გადინებაა. პლატფორმა SoSoValue-ს მონაცემებით, ამ თანხის ნახევარზე მეტი BlackRock-ის iShares Bitcoin Trust-ზე (IBIT) მოდის, რომელმაც 239.3 მილიონი დოლარი დაკარგა.
ბოლო სამი სავაჭრო სესიის განმავლობაში, ამ ფონდიდან წმინდა გადინებამ 593 მილიონ დოლარს გადააჭარბა. სიდიდით მეორე გადინება Fidelity Wise Origin Bitcoin Fund-ზე (FBTC) მოდის, რომელმაც ერთ დღეში 120.8 მილიონი დოლარი დაკარგა. ინვესტორებმა Grayscale Bitcoin Trust-დან (GBTC) 54.3 მილიონი დოლარი, ხოლო ფონდებიდან ARKB და BITB, 50.7 და 27.5 მილიონი დოლარი გაიტანეს.
ერთადერთი გამონაკლისი Grayscale Bitcoin Mini Trust აღმოჩნდა, რომელმაც 23.6 მილიონი დოლარი მოიზიდა, თუმცა ეს BTC ETF-დან მთლიანი გადინების კომპენსაციისთვის საკმარისი არ აღმოჩნდა.
უარყოფითი დინამიკა ეთერიუმის გაცვლით სავაჭრო ფინდებზეც (ETF) გავრცელდა. ყველაზე დიდი ზარალი Grayscale Ethereum Trust-მა (ETHE) განიცადა, რომელმაც 41.2 მილიონი დოლარი დაკარგა. მას მოჰყვა Fidelity Ethereum Fund (FETH), რომელმაც 24.5 მილიონი დოლარი დაკარგა და BlackRock-ის iShares Ethereum Trust (ETHA), რომელმაც 18 მილიონი დოლარი იზარალა.
ამასობაში, XRP ETF-ებმა დღე 2.05 მილიონი დოლარის დადებითი წმინდა შემოდინებით დაასრულეს, რომელიც მთლიანად Grayscale-ის GXRP ფონდზე მოდიოდა. Solana-სა და Hyperliquid-ის ETF-ებმა კაპიტალის მოძრაობა არ აჩვენეს.
ცოტა ხნით ადრე, SoSoValue-ს ანალიტიკოსებმა განაცხადეს, რომ Bitcoin ETF-ებიდან წმინდა გადინებამ ჯამში 227 მილიონი დოლარი შეადგინა. ამგვარად, ეს კაპიტალის გადინების ზედიზედ მეექვსე კვირაა – 2024 წლის დასაწყისში ფონდების ამოქმედების შემდეგ, უწყვეტი გადინების ყველაზე გრძელი პერიოდი.
წყარო: https://en.coinotag.com/bitcoin-etf-469-million-outflow-biggest-since-june-2
სიახლეების გამოწერა
