ბლოგერ KSI-ს ბრალი კრიპტო თაღლითობაში დასდეს
ანალიტიკოსებმა Zach XBT-მა და Coffeezilla-მ ცნობილი ბლოგერი KSI მომხმარებლების მოტყუებაში დაადანაშაულეს. მათი აზრით, ის კრიპტოვალუტის თაღლითური სქემების ორგანიზებაშია ჩართული.
KSI-ს ფსევდონიმით ცნობილი ოლაჯიდ ოლაინკ უილიამს ოლანტუჯი (Olajide Olayinka Williams Olantuji), რომელსაც 24 მილიონიანი აუდიტორია ჰყავს, სხვადასხვა კრიპტო პროექტების რეკლამირებას ეწევა.
Zach XBT-ის თქმით, ბლოგერი ცდილობს მომხმარებლები დაარწმუნოს ინვესტიცია სხვადასხვა პროექტებში განახორციელონ. როგორც კი მონეტების ფასი იზრდება, KSI მათ ყიდის, თუმცა საჯაროდ აცხადებს, რომ ამ აქტივების მართვას კვლავაც განაგრძობს.
Zach XBT-ს მაგალითად პროექტი XCAD Network მოჰყავს. ამ პროექტში ინვესტირების მომგებიანობის შესახებ საკუთარ ბლოგზე ინფორმაციის გავრცელებიდან სულ რაღაც რამდენიმე საათში KSI-მ XCAD-ის ტოკენები 850,000 დოლარად გაყიდა.
ბლოგერის მიმართ ანალოგიური ბრალდებები Coffeezilla-მაც გააკეთა. მისი აზრით, ბლოგერი pump-and-dump სქემის გამოყენებით თავის აუდიტორიას განზრახ ატყუებს.
KSI-მ Zach XBT-ისა და Coffeezilla-ს ბრალდებები უარყო და აღნიშნა, რომ მას კრიპტოვალუტის ინდუსტრია ნაკლებად ესმის და ამიტომ მისი ქმედებები ყოველთვის თანმიმდევრულად არ უნდა ჩაითვალოს.
pump-and-dump სქემის აქტუალობის შესახებ ცოტა ხნის წინ ოქროში ინვესტირების ცნობილმა მომხრემ პიტერ შიფმაც (Peter Schiff) ისაუბრა. მან აღნიშნა, რომ კრიპტოვალუტების ბოლოდროინდელი ზრდა ზემოთხსენებული სქემის კლასიკური მაგალითია და ინვესტორებს მოუწოდა აჟიოტაჟს არ აყვნენ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)