ბლოკჩეინის დეველოპერების რიცხვი 92%-ით გაიზარდა
ვენჩურულმა კომპანიამ Electric Capital ბლოკჩეინზე დაფუძნებული პროექტების დეველოპერების ბაზრის კვლევა ჩაატარა.
გაირკვა, რომ ამჟამად ამ სფეროში 21 300 ადამიანია დასაქმებული, რაც 2020 წელთან შედარებით 92%-ით მეტია.
დეველოპერების რაოდენობა ბიტკოინის კურსთან ერთად იზრდება და კლებულობს – რაც უფრო მაღალია პირველი კრიპტოვალუტის ფასი, მით მეტი ინტერესია კრიპტოვალუტის ინდუსტრიის მიმართ და მით მეტი პროექტია.
ამიტომ, ბოლო წლის განმავლობაში დეველოპერების რაოდენობა 22%-ით შემცირდა – 2022 წლის ივნისში ამ სფეროში 27200 დეველოპერი იყო დასაქმებული.
უნდა აღინიშნოს, რომ კრიპტოვალუტის ინდუსტრია უპირველეს ყოვლისა დატოვეს „ახალბედა დეველოპერებმა“, რომელთა მუშაობის სტაჟი ერთ წელზე ნაკლებს შეადგენდა. ამავდროულად, 2021 წლის ნოემბერში, როდესაც ბიტკოინის კურსი 69,000 დოლარს შეადგნდა, დეველოპერების რიცხვი ახლანდელთან შედარებით მხოლოდ უმნიშვნელოდ მაღალი იყო.
„ახალბედა დეველოპერები“ ჩვეულებრივ კრიპტოვალუტის ინდუსტრიას ბიტკოინის კურსის ზრდის დროს უერთდებიან, კრიპტოზამთრის პერიოდში კი პროექტებს ტოვებენ, ამბობენ Electric Capital-ის კვლევის ავტორები.
კვლევის თანახმად, ინდუსტრიაში ვეტერანები რჩებიან და ამჟამად მათი რიცხვი დეველოპერების საერთო რაოდენობის 60%-ს შეადგენს.
„ 2015 წლის ანალიზს თუ გადავხედავთ დავინახავთ, რომ დეველოპერები, რომლებიც პროექტებს დათვის ტრენდის დროს უერთდებიან, მათ უფრო სწრაფად ტოვებენ. 2023 წელს ახალბედები უფრო სწრაფად წავიდნენ სფეროდან, ვიდრე 2022 ან 2021 წელს, რაც ბაზრის ვარდნაისთვის დამახასიათებელია.“ – წერენ მკვლევარები.
ახლა Electric Capital-ის მონაცემებით, გლობალურ კრიპტოვალუტის ინდუსტრიაში დაახლოებით 180 000 ადამიანია დასაქმებული. საუბარია ინდუსტრიის ყველა მონაწილეზე და არა მხოლოდ დეველოპერებზე.
გასული წლის ბოლოს ვრცელდებოდა ინფორმაცია, რომ ბაზრის ვარდნის, ე.წ დათვის ტრენდის გამო, კრიპტო დეველოპერების აქტივობა მნიშვნელოვნად შემცირდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)