ბლოკჩეინ ტექნოლოგიების ბაზრის მოცულობა 16 მილიარდს მიაღწევს
SkyQuest Technology-ის მიერ გამოქვეყნებული კვლევის შედეგების მიხედვით, ბლოკჩეინის ტექნოლოგიების გლობალური ბაზრის საშუალო წლიური ზრდის ტემპმა 43%-ს გადააჭარბა. ეს ექსპერტებს საშუალებას აძლევს იწინასწარმეტყველონ, რომ 2028 წლისთვის გაყიდვების მოცულობა დაახლოებით 16 მილიარდ დოლარს გაუტოლდება.
ეკონომიკასა და სახელმწიფო მართვის სექტორში ტექნოლოგიების აქტიურმა შეღწევამ ბლოკჩეინ ტექნოლოგიებზე მოთხოვნის მნიშვნელოვანი ზრდა გამოიწვია.
SkyQuest-ის ანალიტიკოსების თქმით, ბლოკჩეინ ტექნოლოგიების განმავითარებელ პროექტებში ინვესტიციების მიმართ როგორც ვენჩურული კაპიტალისტების, ისე მსხვილი საინვესტიციო კომპანიების ინტერესი დღითიდღე იზრდება.
2022-2023 წლებში ბლოკჩეინის ტექნოლოგიებში ინვესტიციების მოცულობა 22 მილიარდი დოლარიდან 30 მილიარდ დოლარამდე გაიზარდა.
აქედან 10 მილიარდ დოლარზე მეტი მსხვილი ფინანსური მოთამაშეების ინვესტიციებზე მოდის.
მაგალითად, 2023 წელს კომპანიამ Microsoft პლატფორმა Chainlink-ში 2 მილიარდი დოლარის ინვესტირება მოახდინა.
მოსალოდნელი პროგნოზით, ბლოკჩეინის ტექნოლოგიების ბაზარზე 2028 წლისთვის დომინანტი რეგიონი ჩრდილოეთ ამერიკა გახდება. რაც მსხვილი ტექნოლოგიური კომპანიების არსებობით, ტექნოლოგიების დანერგვის მაღალი დონით და ხელსაყრელი მარეგულირებელი გარემოთი იქნება განპირობებული.
SkyQuest Technology-ის პროგნოზით, 2028 წლამდე ბლოკჩეინ ტექნოლოგიების ბაზარი ევროპაშიც გაიზრდება, თუმცა ზომიერი ტემპებით და წლიურ 25%-ს არ აღემატება.
წლიური 42%-ით ზრდის ყველაზე სწრაფ ტემპს აზია-წყნარი ოკეანის რეგიონს უწინასწარმეტყველებენ. რაც აქტიური ეკონომიკური განვითარებით, ბლოკჩეინის ტექნოლოგიებში ინვესტიციების მკვეთრი ზრდით და მცირე და საშუალო ბიზნესის მხრიდან მზარდი ინტერესითა და მოთხოვნით იქნება განპირობებული.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)