ბრაუზერი Opera NFT-ს შექმნის შესაძლებლობას დაამატებს

ბრაუზერი Opera NFT-ს შექმნის შესაძლებლობას დაამატებს

ბრაუზერ Opera-ს დეველოპერებმა პლატფორმა Alteon LaunchPad-თან პარტნიორობის შესახებ გამოაცხადეს.

თანამშრომლობის შედეგად, ბრაუზერის მომხმარებლები შეუცვლელი ტოკენების გამოშვებას სწრაფად და იაფად შეძლებენ.

NFT-ს შესაქმნელად, Opera-ს მომხმარებლებს შეეძლებათ უბრალოდ გადმოიტანონ სურათები ან სხვა მედია ფაილები ბრაუზერის ფანჯარაში, პროგრამა კი კონვერტაციას თავად განახორციელებს და ჭკვიანი კონტრაქტების გამოყენებით, ფაილს ბლოკჩეინში ატვირთავს.

„ახლა ჩვენს მომხმარებლებს NFT-ების შექმნა სწრაფად და მარტივად, დამატებითი საფასურის გარეშე შეეძლებათ. ეს ადამიანებს  განვითარებად NFT ინდუსტრიაში მიიზიდავს.“ – განაცხადა Opera-ს აღმასრულებელმა დირექტორმა სუზი ბატმა (Susie Batt).

ბატმა ხაზგასმით აღნიშნა, რომ ბრაუზერის მომხმარებლები კოლექციური ტოკენების შექმნის პროცესში გარკვევას Web3-ში გამოცდილების გარეშეც სწრაფად შეძლებენ.

რაც იმას ნიშნავს, რომ იმ კრეატიულ ადამიანებსაც კი, რომლებიც ტექნოლოგიებში არც თუ ისე კარგად ერკვევიან, თავიანთი ნამუშევრების NFT-ად გარდაქმნა და შესაძლოა ფულის გამომუშავებაც შეეძლებათ.

„ჩვენი პარტნიორობა ტრადიციულ არტისტებსა და Web3 ეკონომიკას შორის არსებული უფსკრულის გადალახვას შეუწყობს ხელს, რადგან ბლოკჩეინის შესაძლებლობების გამოყენება ნებისმიერ მსურველს შეეძლება.“ – განაცხადა Alteon-ის თანადამფუძნებელმა მეტ ციმაგლიამ (Matt Cimaglia).

ადრე გავრცელდა ინფორმაცია, რომ Opera-ს დეველოპერებმა ბრაუზერს საფულე MetaMask-ისა და ბლოკჩეინ Elrond-ის მხარდაჭერა დაამატეს.