ბრიტანეთში ექვსი კრიპტოვალუტის პლატფორმის რეკლამა აიკრძალა

ბრიტანეთში ექვსი  კრიპტოვალუტის პლატფორმის რეკლამა აიკრძალა

გაერთიანებული სამეფოს სარეკლამო სტანდარტების სააგენტომ კრიპტოვალუტებთან დაკავშირებულ რისკებზე გაფრთხილებების არარსებობის გამო Coinbase Europe, Kraken, eToro, Luno Money, Exmo Exchange და Coinburp-ის რეკლამა აკრძალა.

BBC-ის ინფორმაციით, გაერთიანებული სამეფოს სარეკლამო სტანდარტების სააგენტომ (ASA) განაცხადა, რომ კრიპტოვალუტის საქმიანობის ზედამხედველობა უწყების ერთ-ერთ მთავარ პრიორიტეტად იქცა.

საქმე იმაშია, რომ ბევრი რეკლამა  კრიპტოვალუტებში ინვესტირების რისკებს არ ასახავს.

ჩამონათვალში შესული ექვსი კრიპტოვალუტის კომპანიის რეკლამამ „მომხმარებელთა გამოუცდელობის უპასუხისმგებლოდ გამოყენებით“დადგენილი წესები დაარღვია.

სააგენტომ მაგალითად მოიყვანა სარეკლამო კამპანია, რომელიც  პიცის პოპულარულმა ქსელმა Papa John’s-მა ჩაატარა. ქსელი მომხმარებლებს „10 ფუნტის ღირებულების უფასო ბიტკოინს“ სთავაზობდა.

რეკლამაში ნათქვამი იყო, რომ 30 ფუნტზე მეტის დახარჯვის შემთხვევაში, მყიდველებს  15 ფუნტის დაზოგვა და კრიპტოვალუტის ბირჟა Luno-სგან 10 ფუნტის ღირებულების BTC-ის მიღება შეეძლოთ. 

ASA-ს მტკიცებით, სარეკლამო აქციას კრიპტოვალუტების და მათი ინვესტიციისთვის ვარგისიანობის შესახებ არანაირი განმარტება არ ახლდა. ASA-ს განმარტებით, ბიტკოინის „უფასოდ შეთავაზება“ ამარტივებს იმას,

რაც სერიოზულ და მიზანმიმართულ ფინანსურ გადაწყვეტილებას უნდა წარმოადგენდეს, სამიზნე აუდიტორიის გათვალისწინებით, რომელსაც შესაძლოა კრიპტოვალუტების შესახებ შეზღუდული ცოდნა გააჩნდეს.

ASA-მ ასევე განიხილა ბირჟა Kraken-ის რეკლამა ლონდონ-ბრიჯსა და ლონდონის ცენტრალურ სარკინიგზო სადგურზე, რომელიც მისი დედობილი კომპანიის Payward-ის მიერ იყო ორგანიზებული. 

„მომხმარებლებს კრიპტო აქტივებში ინვესტირების რისკების შესახებ მკაფიო ინფორმაცია უნდა ჰქონდეთ. ფირმები უნდა დარწმუნდნენ, რომ მათი რეკლამა მომხმარებლებს შეცდომაში არ შეიყვანს, არ იქნება სოციალურად უპასუხისმგებლო, მიმართული გაუთვითცნობიერებელი მომხმარებლისგან სარგებლის მიღებაზე.“- განაცხადა ASA-ს საჩივრებისა და გამოძიების განყოფილების ხელმძღვანელმა მაილს ლოკვუდმა (Miles Lockwood).

ASA  კრიპტოვალუტების რეკლამის, მათ შორის NFT-ების და ფან-ტოკენების, მონიტორინგს გააგრძელებს. მარტში უწყებამ  კრიპტოვალუტის ბირჟა Coinfloor-ის ბიტკოინში საპენსიო დანაზოგის ინვესტირების შესახებ რეკლამა აკრძალა.

წყარო : https://bits.media/