ბრიტანეთში ნარკობანდამ მემკოინი გამოუშვა
დიდი ბრიტანეთში მოქმედმა კრიმინალურმა ფორმირებამ ნარკოვაჭრობით მოპოვებული ფულის გასათეთრებლად საკუთარი კრიპტოვალუტა შექმნა. მოქმედი სქემა Claymore Advisory Group-ის ნარკოტიკებით ვაჭრობის ექსპერტმა გარი კეროლმა (Gary Carroll) გამოავლინა.
კეროლმა, რომელსაც პოლიციაში მუშაობის 14 წლიანი სტაჟი აქვს, სქემის შესახებ კონფიდენციალური წყაროებიდან შეიტყო, თუმცა პრესისთვის მემკოინის სახელი არ გაუმჟღავნებია. მისი თქმით, ბანდა მონეტის პოპულარიზაციას სოციალურ ქსელებში სარეკლამო კამპანიების მეშვეობით გეგმავდა მისი ღირებულებისა და გაყიდვების გაზრდის მიზნით, რათა ნარკოტიკებით ვაჭრობიდან მიღებული შემოსავალი კრიპტოვალუტის გაყიდვიდან მიღებული ლეგიტიმური მოგებით შეენიღბათ.
ექსპერტის პროგნოზით, მემეკოინების შექმნის სიმარტივისა და კრიმინალებისთვის მათი მიმზიდველობის გამო მსგავსი შემთხვევები უფრო ხშირი გახდება. ამ მეთოდს ხშირად იყენებენ სხვადასხვა ქვეყანაში მოქმედი მსხვილი კრიმინალური დაჯგუფებები. მაგალითად ისეთები, როგორიცაა საერთაშორისო კრიმინალური დაჯგუფებები Smart და TGR. თუმცა, ექსპერტის პრაქტიკაში ეს იყო პირველი შემთხვევა, როდესაც დაჯგუფება საკუთარი აქტივის პოპულარიზაციას და ამ გზით ფასის გაზრდას ეწევა.
მანამდე, ბრაზილიის შტატ სან-პაულუს სამართალდამცავმა ორგანოებმა ფინტექ ბანკ 4TBank-ის ანგარიშებზე 8.6 მილიარდ რეალზე მეტი (1.5 მილიარდი დოლარი) თანხის გაყინვის ნებართვის მისაღებად სასამართლოს მიმართეს. ბრაზილიელი პროკურორები ეჭვობენ, რომ კრიპტოვალუტაზე ორიენტირებულ ბანკს ადგილობრივი ნარკოკარტელი First Capital Command სრულად აკონტროლებს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)