ბრიტანელების 25% სახელმწიფო ციფრული ვალუტის წინააღმდეგია
ბრიტანეთში ჩატარებული გამოკითხვის მიხედვით, ქვეყნის მოქალაქეების დიდ ნაწილს CBDC-ის შემოღება მიზანშეწონილად არ მიაჩნია და ფიქრობენ, რომ სახელმწიფო კრიპტოვალუტა მათ პიროვნულ თავისუფლებას შეზღუდავს.
ცენტრალური ბანკის ციფრული ვალუტის (CBDC) დანერგვის პერსპექტივასთან დაკავშირებით, მოსახლეობაში არსებული განწყობის გამოსაკვლევად, გამოკითხვა ერთმანეთისგან დამოუკიდებლად აპარატული საფულეების მწარმოებელმა Trezor და საინფორმაციო საიტმა WealthRocket ჩაატარეს.
გამოკითხვის შედეგებმა აჩვენა, რომ პოტენციური თაღლითობის რისკებისა და ნაღდი ფულის გაუქმების მოტივით, CBDC-ის ყოველდღიური გადახდებისთვის გამოყენების იდეა გამოკითხულთა დაახლოებით 25%-მა კატეგორიულად უარყო.
გამოკითხულთა დაახლოებით 73% შეშფოთებულია, რომ ქვეყნის ხელისუფლება CBDC-ის მფლობელების პირადი პრეფერენციებისა და კერძო ტრანზაქციების გაკონტროლებას შეძლებს.
გამოკითხულთა 67% კი თავის შიშს CBDC მფლობელთა ბალანსის ცალმხრივად ანულირების შესაძლებლობას უკავშირებს, იმ შემთხვევაში, თუ ციფრული აქტივები მათი ვადის გასვლამდე სრულად არ დაიხარჯება.
„მოქალაქეთა აბსოლუტური უმრავლესობა უკმაყოფილოა იმით, რომ CBDC-ს დანერგვით სახელმწიფო ზედამხედველობის ორგანოები გადაჭარბებულ უფლებამოსილებებს მიიღებენ.ამიტომ, სანამ დიდი ბრიტანეთი ცენტრალური ბანკის ციფრული ვალუტის დანერგვაში ძალიან შორს არ წასულა, საჭიროა საფუძვლიანი საჯარო დებატები ჩვეულებრივ მოქალაქეებთან.“- ნათქვამია ანგარიშში.
ივნისის ბოლოს ინგლისის ბანკის (BoE) ადმინისტრაცია განცხადებით გამოვიდა და ხაზგასმით აღნიშნა, რომ ქვეყნის ცენტრალური ბანკის მომავალი ციფრული ვალუტის დიზაინი ანონიმური და კონფიდენციალური გამოყენების პირობებზე იქნება დაფუძნებული.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)