ბუტანში საიდუმლო სახელმწიფო მაინინგ ფერმები აღმოაჩინეს
Planet Labs-ის, Satellite Vu-სა და Google Earth-ის სატელიტური ფოტოების მეშვეობით, ბუტანის სამეფოში კრიპტოვალუტის მაინინგის ოთხი სახელმწიფო საწარმოს მდებარეობის გამოვლენა მოხდა.
სატელიტურ სურათებზე უღრანი ტყეებისა და მთიან რელიეფს შორის გრძელი, მართკუთხა ფორმის ანგარების გამოსახულება იკითხება. სამხრეთ-აღმოსავლეთ აზიის ამ პატარა ქვეყნის კრიპტო-ინვესტიციებში გათვითცნობიერებული წყაროების განცხადებით, ანგარებში მაინინგ მოწყობილობები და მონაცემთა ცენტრების გაგრილების სისტემებია განთავსებული. ისინი დაკავშირებულია მძლავრ ელექტროგადამცემ ხაზებთან და ტრანსფორმატორებთან, რომლებიც მეურნეობებს ადგილობრივ ჰიდროელექტროსადგურებთან აკავშირებენ.
ერთ-ერთი ობიექტი დოჩულას უღელტეხილთან აღმოაჩინეს ტერიტორიაზე, რომელზეც 108 მემორიალური ობიექტი მდებარეობს. მათგან უმეტესობა სიწმინდედ არის მიჩნეული და ხელშეუხებელია. სხვა ფერმები ტრონგსესა და დაგანის შორეულ რეგიონებშია განლაგებული.
თანამგზავრული სურათების ქრონოლოგიური ანალიზი აჩვენებს, რომ ობიექტების მშენებლობა ჯერ კიდევ 2020 წელს დაიწყო. თუმცა, ბუტანის სამეფოს ოფიციალურ პირებს სახელმწიფო საკუთრებაში არსებული მაინინგ მეურნეობების მშენებლობის შესახებ არასდროს არაფერი უხსენებიათ, არასდროს გამჟღავნებულა არც ობიექტების ადგილმდებარეობა და მასშტაბები.
მიმდინარე წლის აგვისტოში ბუტანის ქალაქ გედუში 23000 ASIC მაინერზე გათვლილი საკუთარი მაინინგ მეურნეობის დასრულების შესახებ ფირმა Bitmain-ის მფლობელის მიერ დაარსებულმა კომპანია Bitdeer-მა გამოაცხადა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)