ბუტერინმა Solana-ს ბლოკჩეინის დეველოპერებს მხარდაჭერა გამოუცხადა
Ethereum-ის თანადამფუძნებელმა ვიტალიკ ბუტერინმა მხარდაჭერა გამოხატა Solana-ს ბლოკჩეინის მიმართ, რომელსაც კრიპტოვალუტის ბირჟა FTX -ის გაკოტრების შემდეგ სირთულეებთან გამკლავება უწევს.
FTX-ის გარშემო შექმნილმა ვითარებამ SOL-ის ფასის სერიოზული ვარდნა გამოიწვია.
კურსი ორი წლის განმავლობაში პირველად 10$-ზე ქვემოთ დაეცა, რის შედეგადაც მონეტამ საბაზრო კაპიტალიზაციის მიხედვით მე-17 პოზიციაზე გადაინაცვლა.
რამდენიმე პლატფორმა Solana-დან ალტერნატიულ ბლოკჩეინზე გადასვლას გეგმავს, ამიტომ ამ ქსელთან დაკავშირებული სამომავლო პროგნოზები საკმაოდ პესიმისტურია.
მაგალითად, YouTube-ის არხ Bitboy Crypto-ს მფლობელი ბენ არმსტრონგი (Ben Armstrong) დარწმუნებულია, რომ მომავალში Solana-ს მეტი პროექტი დატოვებს.
თუმცა, ასეთი კატეგორიული კრიპტო საზოგადოების ყველა წევრი არ არის.
Ethereum-ის თანადამფუძნებელმა ვიტალიკ ბუტერინმა, მიუხედავად იმისა, რომ ეს მისი კონკურენტი ბლოკჩეინია, Solana-ს დეველოპერებს მხარდაჭერა გამოუცხადა და წარმატება უსურვა.
ბუტერინის თქმით, SOL ბევრმა ინვესტორმა სწრაფი ფინანსური მოგების იმედით იყიდა, ისე რომ თავად ტექნოლოგიის ღირებულებაზე ყურადღება არ გაუმახვილებია.
ბუტერინის აზრით, ამ ტიპის ინვესტორების წასვლის შემდეგ მოვიდა იმ ინვესტორების დრო, ვინც ბლოკჩეინის პოტენციალს ნამდვილად აფასებს.
„ჭკვიანმა ადამიანებმა მითხრეს, რომ Solana-ში სერიოზული დეველოპერები არიან და ახლა, როცა მხოლოდ საკუთარ მოგებაზე ორიენტირებული, საშინელი ოპორტუნისტები თავიანთ ფულს გაჰყვნენ, ქსელს ნათელი მომავალი აქვს.“ – დაწერა ბუტერინმა ტვიტერზე.
ნოემბრის დასაწყისში Solana-ს თანადამფუძნებელმა ანატოლი იაკოვენკომ განაცხადა, რომ პროექტის გუნდი ქსელის გახშირებულ გათიშვასთან დაკავშირებული პრობლემების გადასაჭრელად კონცენტრირებას მისი სტაბილურობის გაუმჯობესებაზე მოახდენს.
იაკოვენკომ ასევე უარყო განცხადება, რომ სოლანას ბლოკჩეინი „ეთერიუმის მკვლელია“ და აღნიშნა, რომ ქსელებს ერთმანეთის სრულყოფა შეუძლიათ.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)